Vuk Jeremiq në SHBA

Ministri i jashtëm serb, Vuk Jeremiq do të takohet sot në Vashington me sekretaren amerikane të shtetit, Kondoliza Rajs si dhe këshilltarin për siguri kombëtare, Stiven Hedli. Tema kryesore e bisedimeve do të jetë procesi për zgjidhjen e statusit të Kosovës. Jeremiq shpreson, se autoritetet amerikane janë tani më të gatshme të dëgjojnë argumentet dhe propozimet serbe për zgjidhjen e statusit. Këtë vizitë ai e quan si më të rëndësishmen për përmirësimin e pozicioneve serbe. Në fillim të javës Kondoliza Rajs është takuar edhe me grupin e unitetit, të cilit i ka premtuar vazhdimin e mbështetjes së pavarësisë së Kosovës.