Sot finalja - Eurovizioni 2023 në Liverpool
13 Maj 2023
Fansat e Eurovizionit janë sot në ethe. Finalja e edicionit të 67 të Eurovision Song Contest zhvillohet të shtunën (12.05.)
Liverpool është këtë vit mikpritës i Eurovizionit në vend të Ukrainës - që megjithëse fituese në 2022-n për shkak të luftës nuk e zhvillon festivalin e këngës. Shqipëria pjesëmarrëse në finale del në skenë e 10-ta natën e së shtunës me një këngë etno-pop që i kaloi dy pengesat - gjysmëfinalet e para, kënduar nga Albina dhe Familja Kelmendi.
Gjysmëfinalja e dytë e Eurovision Song Contest ishte në tërësi më e qetë se e para. Në një kohë që të martën gati në secilën këngë-performancë kishte "act party", të enjten dolën më shumë solistë në skenë pa bujë, të mbështetur vetëm nga efektet e dritave. Vendet që prezantuan këngë të tilla qeta duket se nuk e patën të lehtë.
37 vende shkuan në Liverpool për një nga shout më të mëdhenj të muzikës në botë. Motoja e këtij viti "United by music" - edhe skena simbolizon një përqafim.