Panairi CeBIT në Azi ka hapur portat - Tregu kinez i IT-së zhvillohet me ritmet më të larta në botë

Për herë të pestë në Shangai ka hapur portat qysh nga dita e mërkurë (11.05.2005) panairi i teknologjisë së informacionit dhe telekomunikacionit CeBIT. Në panairin aziatik rreth 430 firma nga 18 vende të botës prezantojnë produktet e tyre. Emrat më të njohur të kësaj dege në Kinë janë Lenovo dhe Huavei, të cilat sivjet nuk marrin pjesë në panair. Këto dy firma në valën e strategjisë së tyre të globalizimit preferojnë panairin CeBIT në Hanover. Shangai prezanton kryesisht firmat që kanë në fokus tregun aziatik.