Reportazhet e javës në Europeo:
Gjeorgji - pse po rritet frika nga Rusia?
Në Gjeorgji po rritet frika nga Rusia. Shumë gjeorgjianë kanë frikë, se nëse bie Ukraina, i vjen radha Gjeorgjisë. E nuk do të ishte hera e parë që Rusia nuk e le të qetë fqinjen e saj. Në vitin 2008 Rusia goditi Gjeorgjinë. Deri më tani, gjeorgjianët shpresën e kanë patur tek Shtetet e Bashkuara, po situata ka ndryshuar qëkur presidenti Donald Trump vendos se kë mbron dhe kë braktis shteti më i fuqishëm në botë?
Si ka ndikuar Brexit në tregtinë Britani e Madhe-BE?
Pesë vjet më parë, Britania e Madhe nisi një rrugë më vete, jashtë Bashkimit Evropian. Por shpresa për një hov të madh ekonomik pa BE nuk u realizua si e dëshironin britanikët. Ndodhi madje e kundërta: Në vitet e para pas Brexit-it, ekonomia britanike pësoi një rënie të ndjeshme, shumë kompani u goditën rëndë nga rënia e tregtisë me BE-në. Tani ka shenja të dukshme afrimi e po diskutohet për futjen e Britanisë së Madhe në Konventën Europiane Pan-Mesdhetare.
Dronët autonomë fillojnë transportin mes dy spitaleve në Gjermani
Për herë të parë, dy dronë fluturojnë midis dy spitaleve në Gjermaninë veriore, duke transportuar mostra laboratorike - një risi tekonlogjike kjo që mund të shpëtojë jetë. Dronët janë deri në tre herë më të shpejtë se korrierët me automjet që përshkojnë distancën prej 60 kilometrash. Teknologjia u zhvillua nga një startup zviceran dhe dronët monitorohen nga pilotë të vendosur në Kroaci.
Vjena e mrekullueshme
Vjena, madhështia e Austrisë, ka qenë gjithmonë një nga qendrat më të rëndësishme të jetës kulturore evropiane. Mozarti, Klimti, Frojdi dhe shumë artistë e intelektualë të tjerë të mëdhenj lanë gjurmët e tyre në kryeqytetin që sot tërheq miliona turistë. Vjena ka shumë për të ofruar -jo më kot është shpallur disa herë qyteti me cilësinë më të lartë të jetesës në botë. Po si e shikon jetën aty një adoleshent si Sebi?