Lufta në Ukrainë - Vejushat në Butcha kapin vetë armët për t'u mbrojtur
Në luftë, gratë zakonisht luftojnë në prapavijë, por jo ato gra ukrainase që e thërrasin veten "shtrigat e Butchas". Vejushat panë me sytë e tyre krimet e luftës të ushtarëve rusë tre humbën të dashurit e tyre në betejë. Në vend të zisë e vetmisë, gratë si Tetyana vendosën të marrin armët vetë në dorë në Ukrainë.
Produktet e falsifikuara nga Kina - BE kundër produkteve pa standarde
Miliona produkte, lodra apo bluza të kopjuara shiten në Europë përmes platformave kineze me kosto të ulët si Alibaba, Shein, Temu. Shpesh ato nuk i përmbushin standardet evropiane dhe sjellin një dëm ekonomik që kap miliardat. Në fakt, këto produkte nuk duhet të dalin në tregun evropian dhe të shiten atje. BE që deri tani i ka ndjekur e pafuqishme këtë fluks paketash me falsifikime ka paralajmëruar se do të veprojë.
Mafia e mbetjeve - Eksport i mbetjeve të rrezikshme nga Gjermania në Çeki
Mafia i ka shtrirë kthetrat edhe tek biznesi miliardësh i mbetjeve. Një rrjet i organizuar ndërkombëtar transporton ilegalisht
mbetje të rrezikshme nga Gjermania në Çeki. Rreth 100 tonë mbetje nga helikat e vjetra të turbinave me erë dhe bateritë e copëzuara u hodhën në një rezervat natyror në Jirikovin çek. Mbetjet e rrezikshme që nuk mund të riciklohen pasi mungon teknologjia e duhur kanë zemëruar banorët e Jirikovit.
Piceria më e mirë në Itali
Portali i njohur “The Fork” ka zgjedhur së fundmi picerinë më të mirë në Itali. E mos prisni tani gjeni picerinë më të mirë në Napoli. Fituesja vjen nga Monza, në Italinë veriore. Piceria është aq e njohur sa që edhe Papa e presidenti italian kanë shijuar picën tek PizzAut. Por nuk është vetëm ushqimi i shijshëm që e bën këtë restorant kaq të veçantë - janë edhe njerëzit që punojnë aty.