Donald Rumsfeld gjen mbështetjen e presidentit amerikan

Presidenti amerikan Xhorxh Bush ka përjashtuar përfundimisht zëvendësimin e ministrit të mbrojtjes Donald Rumsfled, të kritikuar ashpër kohët e fundit. Vendimi nuk lëvizet, tha Bush në Uashington. Rumsfeld pas kritikës së ashpër të 6 gjeneraleve në pension ndaj shumë vendimeve të tij në luftën e Irakut i pat kundërshtuar të gjitha kërkesat për dorëheqje.

Presidenti amerikan, Bush bëri të ditur ndërkohë edhe emërimin si drejtor të ri të buxhetit të Rob Portmans, i cili deri tani ka qenë i ngarkuari për tregtinë. Me emërimin e Portmans Bush do të përmirësojë marrëdheniet e rënduara me kongresin, njoftojnë mediat. Një projektbuxhet dështoi në fillim të muajit në dhomën e përfaqësuesve.