Një deklaratë e kancelarit të ardhshëm të mundshëm të Gjermanisë, Friedrich Merz, ka rikthyer debatin për përfshirjen e Berlinit në mbështetjen ushtarake ndaj Ukrainës. Në një intervistë për ARD, Merz u shpreh se Gjermania duhet të furnizojë Kievin me raketat Taurus – por vetëm në koordinim me aleatët evropianë. Reagimi i Rusisë nuk vonoi: Moska paralajmëroi se një sulm me këto raketa ndaj territorit rus do të shihet si pjesëmarrje e drejtpërdrejtë e Gjermanisë në luftë. Ndërkohë, ministri aktual i Mbrojtjes, Boris Pistorius, mbetet i rezervuar – edhe pse mund të jetë pjesë e kabinetit të ri.
Paga minimale dhe ekonomi pesimiste
Po ashtu, Merz shkaktoi debat të ri në radhët e socialdemokratëve duke vënë në pikëpyetje rritjen e pagës minimale në 15 euro. Në sfond qëndron një realitet ekonomik sfidues: sipas një studimi të Institutit Ekonomisë në Köln, një në tre kompani në Gjermani planifikon të shkurtojë vende pune këtë vit.