Banka Qendrore Amerikane uli interesin bazë bankar

Ja që kështu është puna në ekonominë e tregut: ka kohë të mira dhe kohë të këqia, deklaroi në mënyrë pllakative presidenti i Amerikës, në kohën kur po tërheqin vëmendjen lajmet për paaftësinë për të paguar të një fondi të SHBA: "Ja që kështu punojnë tregjet. Dhe aktualisht, ekonomia e Amerikës po përjeton një fazë të vështirë, për këtë nuk ka dyshim, tha Bushi.

"Ekonomia jonë po përjeton një kohë të vështirë, si në tregun e pasurive të patundshme, ashtu edhe në tregun financiar."

Fjalën recesion Bushi nuk e shqiptoi. Përkundrazi. Ai i lëvdoi të ardhurat e larta nga eksporti, nuk harxhoi as një fjalë për dobësinë ekstreme të dollarit, e cila e mundëson këtë eksport. Bushi e çmoi lart kuotën e ulët të papunësisë në vend, krahasuar me vendet e tjera. Megjithatë, sipas tij, problemet e sipërmarrësve amerikanë nuk mund të mohohen. "Benzina dhe ushqimet po shtrenjtohen gjithnjë e më shumë, por njëkohësisht shtëpitë humbasin vlerën e tyre: amerikanët që punojnë me të gjitha fuqitë janë të shqetësuar."

Për t'u shqetësuar, sipas Bushit, megjithatë nuk ka shkas: në fund të fundit, qeveria e Uashingtonit ka përgatitur një paketë financiare konjukturore prej 150 miliardë dollarë. Dhe kjo paketë do të thotë para në dorë për miliona ekonomi shtëpiake amerikane. Më e vonta në maj, në kutitë postare do të jenë ceqet bankare dhe rritja konjukturore është pas kësaj vetëm një çështje kohe, tha presidenti amerikan.

Ky është qëndrimi tipik i presidentit "të gjitha do të rregullohen", i një presidenti i cili i konstaton gjithmonë vonë krizat dhe nuk lufton sa duhet kundër tyre, thanë demokratët. Eksperti i ekonomisë, senatori Carls Shumer: "Gjërat tani po përkeqësohen, sepse propozimet e presidentit si gjithmonë nuk janë të mjaftueshme", tha Shumer.