Angela Merkel bën thirrje për veprime të vendosura kundër transformimit të klimës

Në samitin e klimës të Kombeve të Bashkaua në Nju Jork, kancelarja gjermane, Angela Merkel ka bërë thirrje për veprime të vendosura kundër transformimit të klimës. Nuk duhet të heqim dorë nga mirëqenia, por do ta krijojmë atë në një formë tjetër, tha Merkel në Nju Jork.

"Duam ne një botë ku qytetet tona bregdetare kërcënohen nga përmbytjet dhe në rajone të tjera të botës mungon uji, apo duam një botë ku ne mund ta formësojmë vetë zhvillimin tonë të sigurtë dhe me sukses."

Ajo kërkoi kushte më të mira për investimet me teknologji ruajtëse të klimës. Shtetet e pasura të industrializuara duhet të marrin përsipër rol pararojë në reduktimin e gazrave karbonikë. Përkundër ministres së jashtme amerikane, Kondoliza Rajs (Condoleeza Rice) Merkel bëri fjalë për vendosjen e kufijve maksimalë të emetimit të gazrave karbonikë: "Deri në mesin e këtij shekulli kemi nevojë për gjysmimin e emetimeve globale. Vetëm kështu mund të kemi një shans të mbajmë ngrohjen globale të tokës nën vlerën kritike të 2 gradëve, dhe mund t'i ikim pasojave më të rrezikshme të ndyrshimeve të klimës."

Sekretari i përgjithshëm i Kombeve të Bashkuara, Ban Ki Mun (Ban Ki Moon) bëri një bilnac pozitv të samitit të klimës në Nju Jork. Ai u shpreh se "ka dëgjuar një thirrje të qartë të liderëve botërore" që të bën të shpresosh arritjen e suksesit në konferencën për mjedisin në Bali në dhjetor të këtij viti.