په لاهور کې ټاکنیز کمپاین او د خلکو ګڼه ګوڼه

دغه سپین ږیري پر بایسکل د پنجاب ایالت د پخواني ایالتي لومړي وزیر شهباز شریف انځور پر خپل بایسکل نصب کړی او کوڅه په کوڅه ګرځي.

په لاهور کې په روان ټاکنیز کمپاین کې ښځو هم برخه اخیستې ده.

په دې انځور کې د پاکستان د ستر سیاسي ګوند پاکستان مسلم لیګ (ن) غړي پر ټاکنیز کمپاین بوخت دي. خو د هغوی مشر او د پاکستان پخوانی صدراعظم میا نواز شریف، په زندان کې دی.

پاکستان تحریک انصاف چې د دغه هیواد دریم ستر ګوند ګڼل کیږي، د غړو ولوله هم د لیدو ده. د دغه ګوند مشر هم له لاهور څخه ټاکنو ته ولاړ دی.

په لاهور کې د لومړي ځل له پاره کاندیدانو د خپلې مشهورتیا له پاره ډیجیټل سکرین یا پردې هم کاروي.

د لاهور په بازارونو کې د سیاسي ګوندونو بیرغونه او نور توکي هم پلورل کیږي. په دغه انځور کې لیدل کيږي چې د پي ټي آی د بیرغ رنګ لرونکي موبایل تیلفون پوښونه هم خرڅلاو ته وړاندې شوي دي.

د لاهور پولیس د اتو زرو کمرو په واسطه په ښار کې روانې سیاسي سرګرمۍ څاري.

په لاهور کې هوایي پلونه، پايې او ودانۍ د انتخاباتي کمپاین پلاکاتونو او بنرونو پوښلي دي.

په لاهور ښار کې د پلاکاتونو او بنرونو پسرلی ښکاري. دا کار به پخوا د ګوند غړو یا پلویانو کاوه خو اوس يې تجارتي شرکتونه کوي.

د پاکستان تحریک انصاف ګوند، چمتو والی هم په زور کې دی. له بل اړخه د پاکستان مسلم لیګ (ن) ګوند یوه سیاستوال سعد رفیق، ویلي دي چې د پي ټي آی ګوند د ټاکنیز لګښت پلټنه باید وشي.