په آلمان کې د افريقايي خوگ تبې لومړۍ پېښه تائيد شوه
۱۳۹۹ شهریور ۲۰, پنجشنبه
د آلمان د خوراک او زارعت وزارت د چهار شنبې په ورځ (د سبتمبر ۹ نيټه) ويلي ول چې په براندنبورگ ايالت کې یې د افريقايي خوگ تبې يوه شکمنه پېښه موندلې ده او په دې اړه یې څيړنې پيل کړي دي.
خو اوس دغه شکمنه پېښه تائيد شوې ده او ويل شوي چې د گاونډي هېواد پولند يوه سيمه هم اغیزمنه شوې ده. د آلمان او پولند پر پوله د شپري نايسه په سيمه کې يو مړ وحشي خوگ موندل شوی وو. د وحشي او کورنيو خوگانو له پاره خطرناکه دا وبا بيا د انسانانو له پاره خطرناکه نه ده.
د وزارت له خوا په جاري کړل شوې اعلاميه کې ويل شوي چې د دغه ژوي څخه نمونې اخيستل شوې وې او په لابراتوار کې آزمويل شوي دي.
د روان ميلادي کال په سر کې هم د پولند په گريتر پولند وایووديشپ ایالت کې په يوه فارم کې د افرايقايي خوگ تبې د يوې پېښې تر پيدا کيدو وروسته د خوگانو ۴۵۰ فارمونه تړل شوي ول.
زموږ له آرشيف څخه: