وسله والو د پاکستان په بلوچستان کي ۹ مسافر وژلي دي
۱۴۰۴ تیر ۲۰, جمعه
تر اوسه پوري کومي ډلي د پاکستان په بلوچستان ايالت کي د دغه بريد مسئوليت پرغاړه نه دی اخيستی، خو په تیر وخت کې د دغه شان بريدونو مسئوليت چي دپنجاب ايالت پر وگړو سوي دي په دغه ايالت کي وسله وال بلوڅ بېلتون غوښتونکي مني.
يوه پاکستاني چارواکي نويد عالم، ويلي دي چي دغه جسودنه چي مرمۍ باندي لگېدلي دي، تيره شپه په غرونو کي وموندل سول. د ايالتي حکومت وياند شاهد ريند، ويلي دي چي د پنجشنبې په ماښام له دوو بسونو څخه مسافر تښتول سوي ول.
هغه وويل: «موږ اوس د جسدونو د پيژندلو او د هغوی له کورنيو سره د تماس نيولو په جريان کي يو.» هغه زياته کړه چي قربانيان چي د پنجاب ايالت اوسېدونکي دي په دغه ايالت کي يې د کارگرانو په توگه کار کاو او خپلو کورونو ته بيرته روان ول.
ريند، وويل چي امنيتي ځواکونو د پنجشنبې په ورځ تر دغو تښتونو دمخه د ياغيانو درې حملې شنډي کړې. هغه د پاکستان گاونډی او د دغه هيواد اصلي رقيب هند د ياغيانو په ملاتړ تورن کړ.
د هند د بهرنيو چارو وازرت په دې اړه د رويترز خبري آژانس پوښتني ته جواب نه دی ورکړی.