م.م: له ۲۰۱۵ کال راهیسي تر ۵۲ زره زيات مهاجر مړه سوي دي
۱۴۰۴ اردیبهشت ۱۰, چهارشنبه
د کډوالۍ نړیوال سازمان (IOM) د سې شنبې په ورځ (۲۰۲۵م کال د اپریل ۲۹) په برلین کي اعلان وکړ چې دا په دې موده کې په ټوله نړۍ کې د ثبت سوو کډوالو د ټولو مړینو تقریباً درې پر څلورمه برخه (۷۲ سلنه) ده.
د نوموړو معلوماتو له مخې د هغوی په ډله کي تر ۳۹ زره اضافه هغه انسانان شامل دي چي په کړکېچنو سیمو کي مړه سوي دي. د IOM عمومي مشري ایمي پوپ وویل، دا ارقام یوه غمجنه نښه ده چي خلک خپل ژوند په خطر کي اچوي کله چي ناامني او د امکاناتو نه موجودیت، هغوی ته په خپل ټاټوبي کي هیڅ خوندي انتخاب نه پریږدي. هغې پر هېوادونو ږغ وکړ چي "قانوني او منظمې لاري جوړي کړي ترڅو د هیڅ انسان ژوند له خطر سره مخامخ نه سي."
اړوند:« تر ۶۳ زره ډېر کسان د مهاجرت په مسیر کې مړه یا لادرکه شوي»
په دغو هیوادونو کي افغانستان شاملیږي، چیري چي څه د پاسه ۵۰۰۰ انسانانو یې دمهاجرت پر لار خپل ژوند له لاسه ورکړی دی. تر هغه وروسته له میانمار څخه ۳۱۰۰ کډوال دي چي ډېر یې بنګله دیش ته پر لار د کښتیو د ډوبیدو له امله مړه سوي دي.
د په اصطلاح مرکزي مدیترانې لار چي نږدې ۲۵۰۰۰ کسانو یې په سمندر کي د ډوبیدو له امله خپل ژوند له لاسه ورکړی دی، په نړۍ کي د مهاجرتونو تر ټولو خطرناکه لار بلل کیږي.
د کډوالۍ نړیوال سازمان IOM په ملګرو ملتونو پوري اړه پیدا کوي چي مرکز یې په ژنیو کي دی او په برلین کي یې یوه څانګه موجوده ده.