د دوو فرهنګونو د پیوند له پاره د خصوصي ښوونځیو هڅې

په تیرو دوو کلونو کې په ایران کې ډير خصوصي ښوونځي په دې توانیدلي دي چې د جواز په تر لاسه کولو سره خپل فعالیت ته ادامه ورکړي.

په ایران کې د افغان مهاجرو ماشومانو د روزنې له پاره د خصوصي ښوونځيو تأسیس پخپله د افغان مهاجرو نوښت وو.

تیر دوه کاله دغو ښوونځیو هغو ماشومانو ته چې اسناد یې نه درلودل بې له جوازه زده کړې ورکولې.

د افغانانو له پاره د اسنادو تر لاسه کول مهم نه ول. خصوصي ښوونځیو ته د خپلو ماشومانو د استولو انګیزه یوازې له زده کړو څخه د هغوی د ماشومانو برخمن کیدل ول.

په تهران کې د یوه خصوصي ښوونځي مدیر نادر موسوي، په دې وروستيو کي له افغان ماشومانو څخه د ایران د خلکو ملاتړ د پام وړ بولي.

د دغو خصوصي ښوونځیو ځیني ښوونیز پروګرامونه د دو فرهنګونو تر منځ د دوستۍ پل جوړول دي.

د کیسو لیکلو او کیسو ویلو د درسي ساعتونو رامنځ ته کول، د جګړې او مهاجرت له کبله ماشومانو ته د رسیدلو زیانونو د کچې د کمښت هڅه ده.

ماشومان هر سهار د دغې سپینې تختې پر مخ جملې لیکي چې د یو او بل له اندیښنو سره آشنا کیږي.

سږکال ځیني شاګردان په خصوصي ښوونځیو کې د ښه زده کړو له امله وتوانیدل چې د دولتي ښوونځیو په لوړ ټولګيو کې نومونه ثبت کړي.

د تهران د طب پوهنتون د ستوماتولوژي پوهنځي داوطلب محصلین، ماشومانو ته د خولې او ښاغونو په ښه شان د ساتلو زده کړه ورکوي.

له موسیقۍ سره سپورت په ښوونځي کې د ماشومانو له پاره په زړه پورې ساعت دی.

د شپږم ټولګي زده کوونکي په اوونۍ کې یو وار په پارک کې درسي ساعت نیسي.

د ښوونکو د ظرفیت لوړولو له پاره ښوونیزي دورې هم تر سره کیږي.

له گدي پران سره د ماشومانو د بلدیدو جشن. په افغانستان کې ګدي پران د ماشومانو له په زړه پوري سرګرمۍ څخه ګڼل کیږي.

«جشن مهرګان» د ماشومانو له پاره یو فرصت دی چې د بل هیواد له لرغوني او بومي جشنونو سره آشنا شي.

په خصوصي ښوونځیو کې ماشومانو د دواړو هیوادونو تر منځ د دوستۍ سفیران یا استازي دي.