د جرمونو نړيوالي محکمې د کومو رهبرانو د نيولو امر صادر کړی دی؟

کووني چي په يوګاندا کي يې د «پروردګار د مقاومت پوځ» په نوم يوې وسله والي ډلي بنسټ ايښوونکی او رهبر وو د جرمونو نړيوالي محکمې تر ټولو زوړ فراري بلل سوی. د هغه د نيولو امر په ۲۰۰۵م کال کي صادر سوی. خو ويل سوي دي چي د ۲۰۲۵م کال په سپتمبر مياشت کي د هغه په غياب کي پر هغه باندي تورونه واوريدل سي.

د جرمنو نړيوالي محکمې په ۲۰۰۹م کال کي د عمر البشير د نيولو امر صادر کړ چي هغه يې د سوډان په دارفور سيمه کي په نسل وژني، پر بشرضد جنايت او جنګي جنايتونو تورن کړ. د اټکلونو له مخي په دغه سيمه کي ۳۰۰۰۰۰ کسان وژل سوي او تر ۲ ميليونه زيات بې ځايه سوي دي. بشر او د هغه ځيني ملګري په ۲۰۱۹م کال کي تر يوه پاڅون وروسته بنديان سول، خو هيڅکله هاګ ته ونه لېږدول سو.

د جرمنو نړيوالي محکمې د ۲۰۲۳م کال په مارچ مياشت کي د روسيې د ولسمشر ولاديمير پوتين د نيولو امر صادر کړ. محکمې هغه له اوکراين څخه روسيې ته په غيرقانوني توګه د په سونو ماشومانو د بېولو په جنګي جنايت تور کړ. روسيې دغه پريکړه رد کړې او ويلي يې دي چي دا ورته هيڅ معنی نه لري.

د جرمنو نړيوالي محکمې د ۲۰۲۴م کال په نوامبر مياشت کي د اسرائيل د لومړي وزير بينيامين نتانياهو د نيولو امر صادر کړ. پر نتانياهو باندي «د غزې په جګړه کي د جنګي جنايت، لوږه د جګړې د يوې طريقې په توګه د کارولو، بشري جنايتونه چي په هغو کي وژني شاملي دي» تور دی. اسرائيل د يادي محکمې قضايي صلاحيت رد کړی او په غزه کي يې د جنګي جنايتونو تورونه رد کړي دي.

د جرمونو نړيړالي محکمې د ۲۰۲۵م کال د جولای مياشتي پر ۸ نېټه د طالانو د مشر ملا هيبت الله اخندزاده او د دغي ډلي د قاضي القضات عبدالحکيم حقاني نيولو امر صادر کړ. محکمې ويلي دي چي پر دغو کسانو باندي د «جنسیت یا جندر پر بنسټ د ښځو د ځورولو له کبله د بشريت ضد جرم شک کيدای سي.»