د ترمپ د لومړۍ کاري ورځې مهم اجرایي فرمانونه

ترمپ په رسمي ډول د اقلیمي بدلونونو په اړه د پاریس له اقلیمي تړون څخه د امریکا متحده ایالاتو د وتلو فرمان لاسلیک کړ. د دغه تړون هدف تر صنعتي کیدو دمخه په مقیاس د ځمکې د تودوخې درجه تر ۱،۵ سانتي ګراده محدودل دي.

ترمپ یو فرمان لاسلیک کړ چې له مخې یې امریکا متحده ایالات د ۱۲ میاشتو په موده کې د روغتیا له نړیوال سازماني څخه وځي او له دغه سازمان سره کیدونکې ټولې مالي مرستې دروي. اروپایي هیوادونو او چین د ترمپ پر ځینو پریکړو له لکه د پاریس له اقلیمي تړون او روغتیا نړیوال سازمان څخه پر وتلو نیوکې کړي دي.

ترمپ د ۲۰۲۱م کال د جنورۍ پر ۶مه نېټه پر کانګرس باندې هجوم ورړونکو شا او خوا ۱۶۰۰ کسانو ته د بخښنې فرمان هم صادر کړ. په دغه پېښه کې د ترمپ پلویانو هڅه کړې وه چې په ټاکنو کې د بایډن د بریا، د تائیدیدو مخه ونیسي.

ټرمپ یو بل اجرایوي فرمان لاسلیک کړ چې د امریکا د بهرنیو پرمختیايي مرستو ټول پروګرامونه یې د ۹۰ ورځو لپاره وځنډول تر څو د ټرمپ د نویو تګلارو سره سم د مرستو بیاکتنه وشي.

ټرمپ د یوه اجرایوي حکم پر اساس د پخوانۍ ادارې لخوا صادر شوي ټول اجرایوي فرمانونه لغوه کړل، چې په هغې کې ۷۸ فرمانه د جوبایډن له خوا و.

له غیرقانوني کډوالۍ سره د مبارزې او د پولې کنټرول پیاوړي کولو لپاره، ټرمپ د متحده ایالاتو - مکسیکو پر پوله ملي بیړني حالت اعلان کړ.

ټرمپ یو اجرایوي حکم صادر کړ چې له مخې یې د حکومت پالیسۍ یوازې دوه جنسیته پیژني،نارینه او ښځینه.

ټرمپ د ټیک ټاک برخلیک او احتمالي پلور په اړه پریکړې کولو لپاره د ۷۵ ورځو ضرب الاجل صادر کړ.

ټرمپ د بایډن ادارې څو لوړپوړي چارواکي له دندو ګوښه کړل او اعلان یې وکړ چې ۱۰۰۰ نور کسان به هم له خپلو دندو لرې کړي.

هغه د حکومت د موثریت د بیا کتنې لپاره یوه اداره جوړه کړه، خو دا اقدام سمدستي له قانوني شکایتونو سره مخ شو.

ټرمپ او مېرمن یې میلانیا په څو مراسمو او جشنونو کې ګډون وکړ او له پوځي چارواکو او مېلمنو سره یې خبرې وکړې.