د اروپا اتحادیې په ایران کي خونړی تشدد غندلی دی

ددغي اتحادیې د خارجي مسایلو نماینده ‎، جوزیف  بوریل وویل، چي «د بې دفاع مظاهره کونکو په مقابل کي د زور او تشدد غیر متناسب استعمال نه د توجیه او نه هم د قبول وړ دی.» په خبره یې انټرنیت ته د لاسرسي محدودیت د اندیښنې یو بل دلیل دی، ځکه چي دا د بیان ازادي په ښکاره ډول سره نقضوي.
د اوسنیو احتجاجونو او مظاهرو انګیزه د ځواني ایرانۍ، مهسا امیني مړه کیدل وه، کومه چي د اسلامي حجاب د نظم څخه د سرغړوني په تور د مذهبي پولیسو لخوا نیول سوې وه.