جکارتا: ترافيکي پيښه کې زده کوونکو ته درنه مرګ ژوبله اوښتې

پېښه هغه وخت رامنځ ته شوه چې يوې لارۍ چې اوسپنه ېې ليږدوله، د ښوونځي مخې ته د بس يو تمځای سره ټکر وکړ.
د اسوشيتيد پریس خبري آژانس د رپوټ په حواله د پېښې پر وخت زده کوونکي د ښوونځي تر رخصتېدو وروسته د بس په تمځای کې د بس راتلو ته ولاړ ول.

زیاته شوې ده چې د پېښې په ځای کې شاوخوا ۲۰ زده کوونکي موجود ول او هغه چې ټپيان شوي دي دوو روغتونونو ته ليږدول شوي دي.

دغه پيښه د شرقي جکارتا او بکاسي سيمې تر منځ د غځېدلي عمومي سړک پر غاړه رامنځ ته شوې ده. د لارۍ چلوونکی هم مړ شوی دی او د جکاراتا د پولیسو مشر، لطیف عثمان وويل چې هغه ېې د تحقیقاتو د یوې برخې په توګه توقیف کړی دی.

لارۍ ېوه مخابراتي پاېه هم وهلې او چپه شوې ده او له یو موټرسایکل او پيک اپ موټر سره هم جنګېدلې ده. لا تر اوسه د پېښې د رامنځ ته کېدو دليل روښانه نه دی.