«روسيې پر اوکراین لویه حمله کړې، ۵ کسان وژل شوي»
۱۴۰۴ خرداد ۱۷, شنبه
کریملین په وروستیو اوونیو کې پر اوکراین خپلو حملو ته شدت ورکړی دی او اوکراین د شنبې سهار حملې سترې ښودلي دي.
د فرانسې خبري آژانس د رپوټ له مخې د روسیې د شنبې سهار په حملو کې درې کسان د اوکراین په خارکیف او دوه نور چې ښځه او مېړه دي په خېرسون کې وژل شوي دي.
نور ولولئ: ټرمپ د روسیې او اوکراین له مشرانو سره ملاقات ته چمتووالی ښودلی
د اوکراین د دوهم ستر ښار خارکیف ښاروال، ایګور تیریخوف، وویل چې د روسیې په حملو کې کورنه او د اپارتمانونو بلاکونه لګېدلي چې لږ تر لږه ۳ کسان پکې وژل شوي او ۱۷ نور ټپیان دي. چارواکي وايي په ټپیانو کې ۲ ماشومان هم شامل دي. یوه ښځه د یو تخریب شوي لوړ ساختمان له ویجاړیو لاندې څخه ژوندۍ راوښکل شوې ده.
دوه نور کسان چې ښځه او مېړه دي په خېرسون کې وژل شوي دي. د سیمې والي اولیکساندر پروکودني د دغه مطلب په ویلو ويلي چې د روسيې په حملو کې دوه لوړې ودانۍ تخریب شوي دي.
نور ولولئ: زیلنسکي: د روسي جنګي الوتکو لمنځه وړل ښکاره بریا وه
د خارکیف ښاروال وویل چې ۴۸ د ایران ساخت ډرونونه، دوه توغندي او څلور رهبري شوي توغندي ېې شمیرلي دي. هغه د روسیې دغه حمله بې سارې بللې.
ښاروال تیریخوف د سهار په ۴ بجو او ۴۰ دقیقو پر تلیګرام ليکلي چې لا هم په هوا کې د ډرونونو غږ شته. هغه زیاته کړې چې «خارکیف پر اوکراین د روسیې پوځي یرغل له پیل راهیسې تر ټولو ځواکمنې حملې تجربه کوي.»
د اوکراین شمال شرقی ښار خارکیف د روسیې سرحد ته په څه کم ۵۰ کېلومترۍ کې پروت او شاوخوا ۱،۴ میلیونه اوسېدونکي لري.
نور ولولئ: کیف وایي لا هم د روسيې د اوربند د شرطونو په تمه دی
د اوکراین هوايي ځواکونو ويلي چې روسیې ۲۰۶ ډرونونه او ۹ توغندي توغولي او ادعا ېې کړې دغه حملې د اوکرايني ځواکونو له خوا شنډې شوي دي.
روسیې په وروستیو اوونیو کې پر اوکراین خپلو حملو ته شدت ورکړی. د روسي او اوکرایني پلاو تر منځ په وروستیو کې د لومړي ځل له پاره د اوربند په موخه مذاکراتو هم کومه نتيجه نه ده ورکړې.
له آرشیف څخه: