«امریکا له اوکراین سره د استخباراتي معلوماتو شریکول بند کړي»
۱۴۰۳ اسفند ۱۵, چهارشنبه
د امریکا له خوا له اوکراین سره د پوځي مرستو د ځنډولو او د استخباراتي معلوماتو د نه شریکولو تصامیم ښيي چې د ترمپ اداره غواړي د یوې سختې لوبې په کولو سره خپل دغه متحد مجبور کړې تر څو د مذاکرې مېز ته کېنې.
د امریکا ولسمشر دونالد ترمپ، د سه شنبې په ورځ وويل چې د اوکراین ولسمشر ولوديمیر زیلنسکي له خوا استولی يو لیک ېې ترلاسه کړی چې په هغه کې زیلنسکي علاقمندي ښوولې چې د روسیې- اوکراین جګړې د پای ته رسولو له پاره د مذاکرې مېز ته کېني.
د سې آی اې مشر، جان رتکلیف، فاکس بیزنیس شبکې ته وویل: «زه پر پوځي او استخباراتي جبهې فکر کوم.» هغه زیاته کړې: «زه فکر کوم له منځه به ولاړ سي.«
له وضعیت څخه درو نورو باخبرو سرچينو هم منلې چې امریکا متحده ایالاتو له اوکراین سره د استخباراتي معلوماتو شریکول قطع کړي دي. له دغو درو سرچینو یوې ېې وويل چې دغه معلومات تر «یو حده» قطع شوي، خو نور جزئيات ېې ور نه کړل.
له آرشیف څخه یو انځوریز البوم: