اروپا ته د تېښتي پر مهال ۴۰۲۷ انسانان وژل سوي

نوموړي سازمان د سه شنبه په ورځ (۲۰۱۶م کال د اگست اوله نیټه) اعلان وکړ چي دغه تعداد ۳۵سلنه زیاتوالی ښيي.

پروسږکال په عین وخت کي ۳۰۰۰ مهاجر په مدیترانه کي اروپا ته پر لاري د نامساعدو او خرابو کښتیو له کبله ډوب او وژل سوي وه. یوازي په تیرو لسو ورځو کي د لیبیا د ساحل څخه ۱۲۰ جسدونه راایستل سوي دي.

د بالکان لاري تر تړل کیدو او ترکیې سره د اروپايي ټولني د مهاجرینو تر تړون راوروسته نور ډیر لږ مهاجر د ترکيې- یونان له لاري اروپا ته راځي، ځکه نو د قاچاقبرانو توجه اوس د شمالي افریقا هیوادو ته اوښتې ده.

اکثریت خلگ د جنگونو، شخړو او تشدد څخه راتښتي، لکه د افغانستان، سوریې او عراق څخه.