آلمانیان، هگۍ او تر منځ يې مينه ناکه اړیکه

که څه هم موږ ټول پوهیږو چې سوۍ هګۍ نه اچوي، خو دا ډول انځورونه هر کال د دوی د اختر ایسټر په بهير کې خپریږي. په آلمان کې د هګیو ځانګړی ځای داسې بریښي چې د ایسټر له ورځو آخوا هم اهميت لري. له سهارنۍ څخه تر سینګار پورې؛ آلمانیان له هګیو سره ځانګړې اړیکه لري.

په ټوله نړۍ کې خلک د ناري لپاره هګۍ هم خوري، نیم خامې، جوش شوي یا نیم جوشه. په آلمان کې جوش شوي هګۍ د یکشنبې سباناري برخه ده. البته دغه ډول هګيو ته د بشپړ خوړو په توګه کتل کیږي او له ډوډۍ سره نه خوړل کیږي. دا ډول هګۍ څانگړي خواړه دي او یوازې د یو چټ مالګې سره خوړل کیږي.

څرنګه چې هګۍ نه گردۍ غونډاری ده او نه هم ۱۰۰ په سلو کې کروی ده، دا په هر قاب کې ښويږي. له همدې کبله، د دې اصلي او درناوي وړ، غړي ته د ناستي ځانګړی ځای په پام کې نیول شوی دی. د ډیزاینرانو له پاره د هګۍ اساس هم د نوښت او خلاقیت له اړخه ښه فرصت دی. دغه ډول ديرې پايې د څميڅيو او مالګې اچولو لپاره ځایونه لري.

که څه هم د سهارنۍ هګۍ پر پايې له څمڅۍ او یو ځانګړي مالګې شیندونکي سره خپل ځای لري، خو آلمانیان په دې بسنه نه کوي، د هگۍ ماتولو نوي اله يې بازار ته وړاندي کړي، چې په ډير غور سره په هګۍ کې یو ټکی په نښه کوي، کوم چې که د وسیلې مرکزي مرمۍ سره وویشتل شي، د خولۍ شاوخوا حلقه ماتوي. دا ماتونه د دې سبب کيږی چې دهگۍ پورتنۍ نیمایي برخه په یوځل جلا کړي.

په آلمان کې د هګیو مصرف له ۲۰۰۶ م کال راهیسې ډیر شوی دی. د رسمي شمېرو له مخې په ۲۰۲۱ کال کې هر آلماني په په منځني ډول ۲۳۸ هګۍ خوړلې دي. د هګیو مصرف یوازې د ایسټر په بهير کې یو څه ډیر دی. د هګیو د مینې لپاره کومه ځانګړې ورځ نه شته.

په آلمان کې د سبا ناري هګۍ ته د ځانګړي ځای په پام کې نیولو سره، ډیری خلک فکر کوي چې دا هیواد ترټولو ډيري هګۍ مصرفوي. خو داسې نه ده؛ ويل کيږي چې امريکايي اتباع په دې برخه کې له نورو څخه مخکښ دي.

د چرګ له ډول سربیره، هګۍ دوه رنګونه لري. په۱۹۷۰ او ۱۹۸۰ ايم کلونو کې، د هګۍ سپین په آلمان کې ډیر مشهور وو. بیا د عضوي محصولاتو سره علاقه د نسواري هګیو پلور ډیر کړی دی. نسواري هګۍ ویل کېدل چې صحي دي. خو په تیرو کلونو کې دا څرګنده شوه چې د هګۍ رنګ په کیفیت کې هیڅ توپیر نه لري. بيا هم په ایستر اختر کې د سپینو هګیو رنګ کول اسانه دی.

آلمان ته نوي راغلي کسان د اکتوبر په میاشت کې په سوپر مارکیټونو کې د رنګه هګیو د بستو په لیدلو حیرانيږي. دا معمولا د خوړلو له پاره نه دي. په طبیعي توګه، د ایسټر په بهیر کې ډیري رنګه هګۍ پلورل کیږي.

سوۍ هګۍ نه اچوي. هګۍ په ونه کي را ښکاره کيږي. د آلمان د ایستر اختر کې د زاړه دود له مخې، د کور مخې ته لویې ونې یا د کور دننه کوچنۍ ونې د کرسمس ونې په څیر روښانه رنګ لرونکي هګیو سره سینګار شوي. دا ونه د ژوند دوه سمبولونه سره یوځای کوي: هګۍ او ونه.