آلمان: د پولیسو په عملیاتو کي یو کس وژل سوی دی
۱۴۰۳ اسفند ۱۷, جمعه
اعلان
د جرمني د زاکسن انهالت ایالت په شیونه بیک کي یو سړی د پولیسو له خوا په ډزو وویشتل سو چي وروسته یې په روغتون کی ساه ورکړه.
لکه څنگه چی په ماگدیبورگ کي د پولیسو مرکز خبر ورکړ، نن جمعه ( ۲۰۲۵م کال د مارچ ۷) سهار وختي د زالڅ لند کرایز دشیونه بیک په ښار کي د اوسیدو د یوه بلاک په مخکي د پولیسو عملیات پیل سول. ویل کیږي چي یوه ۲۶ کلن افغان یو ۲۶ کلن آلمانی گواښلی وو.
اړوند:آلماني پوليس: په چاقو سره جرمونه یوه ستونزه ګرځېدلې ده
لکه څنگه چي نوموړي افغان، پولیس هم په یوې چړې وگواښه، نو د ایالتي جنايي پولیسو یوه ځانگړي واحد پر شکمن کس باندي ډزې وکړې.
د پولیسو په حواله نوموړي کس وروسته په روغتون کي ساه ورکړه. د پیښې په هکله پلټني لا دوام لري.