موټر او ترانسپورتاروپا
په پاریس کې له دوهمې نړېوالې جګړې پاته ناچاودلی بم موندل شوی
۱۴۰۳ اسفند ۱۷, جمعه
اعلان
د فرانسې د اورګاډو ملي شرکت اس ان سي اف وويل چې دغه ناوچادلی بم يې د شپې په سینت دینس علاقه کې د مراقبتي کارونو پر مهال «د پټلیو په منځ کې» موندلی دی.
د پاریس ښاري اورګاډي شبکې (RER B) پر اکس شبکه ليکلي چې دغه بم «د دوهمې نړېوالې جګړې د وخت دی.»
چارواکو د ګار دي نور تمځای ته پر نژدې لارو د ټولو نقلیه وسایطو تګ راتګ بند کړ او د پاریس پولیسو د بم شنډولو کار پيل کړ.
د فرانسې د اورګاډو ملي ادارې په حواله، ګار دي نورد، د پاریس ښار او په مجموع کې د فرانسې یو له مهمو او له ګڼې ګوڼې ډک تمځایونو څخه دی په ورځ کې کابو ۷ لکه مساپر ته ترانسپورټي خدمات وړاندې کوي. له دغه تمځای سره هم د ښاري او هم د تیز رفتارو اورګاډو لیکې وصل دي.
له آرشیف څخه یو انځوریز البوم (19.01.2019):