امريکا: په تکساس کې په سونو کسان په شري اخته شوي
۱۴۰۴ فروردین ۱۸, دوشنبه
د شري ناروغۍ خپريدو د امريکا متحده ايالاتو په جنوب لویدیځ کې د دويم ماشوم ژوند هم اخيستی دی. دا خبر چارواکو د يکشنبې په ورځ تائيد کړ.
د تکساس د «يو ام سي« روغتيايي مرکز مشر ارون دېوس، د فرانسې خبري آژانس ته وويل: «موږ په ډېرې خواشینۍ سره رپوټ ورکوو چې ښوونځي ته د تللو د عمر یو ماشوم چې په دې وروستيو کې په شري اخته شوی وو، مړ شوی دی.»
نوموړي زياته کړه چې دغه ماشوم چې د «شري ناروغۍ د پيچلې کیدو» له کبله تر درملنې لاندې وو، هیڅ بله ناروغي یې نه درلودله او د شري پر وړاندې چې يوه ډېره ساري ناروغي ده، واکسين شوی نه وو.
اړونده موضوع: په افغانستان کې په شري د اخته کيدو پېښې ډېرې شوي
په فیبرورۍ میاشت کې په امريکا متحده ايالاتو کې د شري له کبله تر يوې لسیزې هم په ډېره موده کې د لومړي ماشوم مړينه رپوټ شوې وه.
د شري ناروي د جنورۍ مياشتې په پای کې د تکساس په لويدېځ کې په يوې لېرې پرتې سيمې ګاينز کاونټي، کې رامنځته شوه چېرې چې د واکسيناسيون کچه له محافظتي ۹۵ سلنې کچې څخه ټيټه ده.
اړونده موضوع: د شري پيښې په نړۍ کې ۸۰ سلنه ډېري شوي دي
په مارچ میاشت کې په ګاونډي ایالت نيو مکسيکو کې د يوه بالغ کس مړینه هم له شري سره تړاو لرونکې مړينې په توګه درجه بندي کړل شوې وه.
د روغتيا وزير د واکسيناسيون غږ وکړ
د امريکا متحده ايالاتو د روغتيا وزير روبیرت اف. کينيډي، د يکشنبې په ورځ د ټولنیزو رسنیو د ايکس شبکې له لارې وويل چې «د شري د خپريدو د مخنيوي تر ټولو موثره لاره د ام ام آر واکسين دی.»
کينيډي، د واکسينونو د اهميت کمرنګه ښوولو له پاره شهرت لري، او په دې سره یې د هېواد ټول روغتيايي چارواکي انديښمن کړي ول. خو نوموړي اوس هم ويلي دي چې واکسين د هر چا شخصي انتخاب دی.
د تکساس ايالت له روغتيايي مرکز څخه دېوس، وويل چې د شري له کبله دويمه مړينه «د واکسيناسيون اهميت روښانه کوي.»
اړونده موضوع: آيا ډېر ژر به د سرطان واکسين ولرو؟
کينيډي، وويل چې په ۲۲ ايالتونو کې د شري ۶۴۲ موارد تائيد شوي دي چې له دې څخه یې يوازې ۴۹۹ په تکساس کې دي.
نوموړي دا څرګندونو تکساس ته د سفر په ترڅ کې وکړې چېرې هغه له په شري د مړو شويو دوو ماشومانو له کورنيو سره وکتل.
خو ولسمشر دونالد ترمپ، چې کله د شري ناروغۍ د خپريدا په اړه وپوښتل شو، نو ویې ويل چې «تر اوسه د هغه څه تړاو چې موږ یې په اړه غږیږو [د اخته کسانو[ د خلکو شمير ډېر کم دی.» نوموړي ژمنه وکړه چې که چېرې وضعيت خراب شي نو «ډېر غښتلي تدابیر» به غوره کړل شي.