آلمان: سبزيجاتو کې په سلونو کيلوګرامه مخدره مواد موندل شوي
۱۴۰۴ تیر ۲۲, یکشنبه
د آلمان خبري آژانس د رپوټ پر اساس، په تحقیقاتو کې موندل شوې چې د لنډسبېرګ ښار د سبزیجاتو یو دوکان ته د غوړي لرونکو میوو محمولې انتقالېدې چې په احتمال سره مخدره مواد پکې پټ کړل شوي ول.
پولیسو او څارنوالۍ د شنبې په ورځ په یوه ګډه اعلامه کې وویل چې چارواکو څه باندې ۲۰ مشکوکې محمولې کشف او ضبط کړي دي.
نور ولولۍ: آلمان: پوليسو د ممکنه ترهګريزو فعالیتو مخه نيولې ده
چارواکو پر څلورو محمولو طبي معاینات ترسره کړي چې پکې نژدې ۳۰۰ کيلوګرامه کېپتاګون چې د ټابلیتونو یا ګولیو په بڼه ول موندل شوي. د ګولیو شمېر نژدې ۱ اعشاریه ۷ ميلیونه ښودل شوی چې د مخدره موادو د تور بازار د بیو له مخې د څه باندې ۲۰ میلیونه یورو (۲۲میلیونه امریکايي ډالر) ارزښت لري.
پولیسو او څارنوالۍ ويلي دي چې «په احتمال سره دا په آلمان کې د دا ډول موادو تر ټولو لوی مقدار دی چې په يو ځل کشف او ضبط کیږی.»
نور ولولۍ: د چړې بريد؛ په آلمان کې يو افغان د پولیسو په ډزو کې ژوند له لاسه ورکړی
په اعلامیه کې زیاته شوې چې د دغو موادو د مشکوکو عاملینو په هکله چې دا وخت په آلمان کې حضور نلري، هم تحقیقات پيل شوي دي.