د افغان په بريد کې ژوبله شوې مور او ماشوم ساه ورکړه
۱۴۰۳ بهمن ۲۸, یکشنبه
د پنجشنبې په ورځ د فبروري ۱۳مه یوه ۲۴ کلن افغان د آلمان د بایرن ایالت په مرکز مونشن ښار کې پر مظاهره کونکو خپل موټر وځغلاوه چې د پولیسو په وینا لږ تر لږه ۳۹ کسان پکې ټپیان شول.
د آلمان د بایرن ایالت د جنايي تحقیقاتو پولیسو د شنبې په ورځ وویل چې د ټپیانو له ډلې یوه ۳۷ کلنه ښځه او ۲ کلنه لور ېې مړه شوې ده.
اړوند نور ولولئ: پولیس: په مونشن کې پر خلکو موټر ځغلونه «افراطي اسلامپاله انګېزه» لرله
رپوټونه وايي چې دغه ښځه او لور د پنجشنبې په ورځ د یو افغان له خوا پر خلکو د موټر ځغلونې په پېښه کې ټپيان شوي ول.
د پېښه تورن عامل افغان ځوان د کارګرانو یوې اتحاديې پر مظاهره کوونکو موټر وځغلاوه چې بیا پولیسو سملاسي د پېښې ځای کې ونیوه. هغه دا وخت په توقیف کې دی او ورڅخه تحقیقات کیږي.
اړوند نور ولولئ: آلمان: افغانستان ته د اخراج بحث یو ځل بیا تود شوی دی
دغې پېښې یو ځل بیا په آلمان کې د مهاجرت پر موضوع بحثونه ډېر کړي دي، هغه هم په داسې یو وخت کې چې د آلمان عمومي انتخاباتو ته د ګوتو په شمار ورځې پاته دي.
په دغو انتخاباتو کې یوه د بحث مهمه موضوع د مهاجرت موضوع ده.
اړوند نور ولولئ: مونشن: پر خلکو موټر ور ځغلول شوی، ډېر کسان ټپيان شوي دي