امریکا اوکراین ته د خپلو ځینو پوځي مرستو لېږد درولی
۱۴۰۴ تیر ۱۱, چهارشنبه
امریکا ويلي دي چې دغه اقدام ېې ځکه کړی دی چې خپله د پوځي مهماتو له کمښت سره مخ دی.
پنټاګون یا د امریکا متحده ایالاتو دفاع وزارت اوکراین ته د پوځي مرستو د ځینو بستو انتقال درولی. پنټاګون ویلي دي چې دغه اقدام ېې هغو اندېښنو ته په کتو چې د امریکا زېرمې نهایت ټيټې کچې ته رسېدلي، عملی کړی دی.
د سپینې ماڼۍ ویاندې انا کیلي، په یوې اعلامیه کې ویلي: «دغه تصمیم د نړۍ له نورو هېوادونو سره زموږ د هېواد د ملاتړ او پوځي مرستو د ارزونې وروسته د امریکا ګټو ته د لومړیتوب ورکولو پر اساس نیول شوی دی.»
نور ولولۍ: د آلمان د بهرنیو چارو وزير اوکراين د آلمان د بهرني سیاست لومړيتوب بللی
خو د امریکا دغه تصمیم پر اوکراین یو قوي ګوزار دی څرنګه چې دغه هېواد هڅه کوي د روسیې توغندیز او ډرون بریدونه شنډ کړي.
سربېره پر دې چې مسکو د اوکراین په مختلفو برخو کې خپلو هوايي بریدونو ته زور ورکړی، روسي ځواکونو چې تر دې وړاندې ېې هم د اوکراین یوه پنځمه برخه خاوره تصرف کړې، خپلو تدریجي پرمختګونو ته ادامه ورکوي.
روسیې د همدا وروستيو اوونيو په جریان کې هم د اوکراین په جنوب شرقي سیمو دونېڅک او دنیپروپتروفسک کې ځمکې نيولي دي.
اوکراین ته په ځنډول شو پوځي مرستو کې څه شامل دي؟
رويټرز خبري آژانس د پنټاګون له دغه تصمیم څخه د باخبرو دوو سرچینو له قوله وايي، کوم پوځي اکمالات چې امریکا متحده ایالاتو ېې اوکراین ته لېږد متوقف کړی، پکې د دافع هوا تعقیبوونکې هم شامل دي کوم چې د روسي ډرونو، ګولیو او نورو دقیقو مهماتو په شنډولو کې ورڅخه کار اخیستل کيږي.
نور ولولۍ: د روسیې د دفاع وزیر پخوانی مرستیال په ۱۳ کاله زندان محکوم شو
روسیې د ۲۰۲۲م کال په فبروري کې پر اوکراین پوځي یرغل وکړ، چې اوکراین ېې د غرب په مرسته تر اوسه مقابله کوي. امریکا متحده ایالاتو په دغه موده کې له اوکراین سره د څه باندې ۶۶ میلیارډ ډالرو په ارزښت د وسلو او پوځي تجهیزاتو مرستې کړي دي.
د رويټرز په حواله، پنټاګون په یوه ایمیل کې ويلي دي چې له اوکراین سره خپلو مرسته د دونالد ترمپ د هغه هدف مطابق چې په اوکراین کې جګړه پاې ته ورسیږي، ادامه ورکوي.
ماکرون او پوتین پر څه غږېدلي
د فرانسې ولسمشر امانویل ماکرون، د سه شنبې په ورځ له خپل روسي سیال ولادیمیر پوتین، سره پر ټیلفون خبرې کړي. دا د ۲۰۲۲م کال راوروسته په څه باندې دوه نیمو کلونو کې د دواړو رهبرانو تر منځ لومړۍ ځل خبرې دي. ماکرون، د دغو خبرو په جریان کې چې څه باندې دوه ساعته وې، له پوتین څخه د اوربند غوښتنه وکړه، خو پوتین ورته د اوکراین په جګړه پر غرب باندې نېوکې سره ځواب ورکړ.
نور ولولۍ: ترمپ پر اوکراين باندې تر بریدونو وروسته پوتین «ليونی» بللی
د فرانسۍ ولسمشرۍ ماڼۍ ويلي چې ماکرون او پوتین هوکړه وکړه چې په راتلونکې کې به هم د اوکراین او ایران پر موضوعاتو نورې اړیکې ولري.
ماکرون همدارنګه د اوکراین ولسمشر ولودیمیر زیلنسکي سره غږېدلی او هغه ېې له خپلو پلانونو چې له پوتین سره خبرې وکړي، واقف کړی. د ماکرون دفتر اما په دې هکله نور جزئیات نه دي ورکړي.
د فرانسې ولسمشر په ۲۰۲۲م کال کې له پوتین سره د ټيلفوني اړیکو په جریان کې هڅه کوله چې پر اوکراین د پوځي یرغل په هکله هغه ته خبرداری ورکړي او په دغه کال ېې مسکو ته سفر هم درلود.
نور ولولۍ: مکرون: د اټومي انرژۍ نړيواله اداره باید سمدستي خپل ماموریت له سره پیل کړي
ماکرون تر یرغل وروسته هم له پوتین سره ټيلفوني اړیکې وساتلې، خو وروسته بیا متوقفې شوې.
د دواړو رهبرانو ترمنځ وروستۍ ټيلفوني اړیکه د ۲۰۲۲م کال په سپتمبر کې، پر اوکراین د روسیې تر پوځي یرغل شاوخوا ۷ میاشتې وروسته وه.
ماکرون تېرکال د مسکو پر وړاندې سخت دريځ اختیار کړ او ويلي ېې دي چې د روسیې توسعه طلبي د ټولې اروپا له پاره ګواښ دی.
له آرشیف څخه یو انځوریز البوم: