د سوریې حکومتي ځواکونو د داعش پر پټنځایونو عملیات کړي
۱۴۰۴ اردیبهشت ۲۷, شنبه
د سوريې د کورنیو چارو وزارت ويلي دا لومړی ځل دی چې د نوي حکومت تر حاکمیت لاندې دا ډول یو عملیات اعلانيږي.
د وزارت له خوا په یوه خپره شوې اعلامیه کې راغلي چې په دغو عملیاتو کې د امنيتي ځواکونو یو غړی هم وژل شوی دی. سرچينه وايي په دغو عملیاتو کې امنيتي ځواکونو وسلې، بمونه او د امنيتي ځواکونو نخښه لرونکي یونیفورم هم ترلاسه کړي دي.
د سوریې یوې امنيتي سرچينې وويل چې عملیات په څلورو ځایونو کې د داعشیانو د خوب پر خونو شوي دي. سرچينې زیاته کړه چې د نښتې پر مهال یو داعشي ځان پورې تړلو چاودېدونکو موادو ته چاودنه ورکړه او یو بل ېې د امنيتي ځواکونو په ډزو ووژل شو.
دغه عملیات داسې وخت شوي چې د امریکا متحدو ایالاتو ولسمشر دونالد ترمپ د چهارشنبې په ورځ (د ۲۰۲۵ کال د می ۱۴مه) په سعودي عربستان کې د سورېې له موقت ولسمشر احمد الشرع سره ولیدل. ترمپ له شرع سره تر کتنې وروسته هغه د «یو جذاب او د ډېرې ځواکمنې سابقې درلودونکي شخص» په توګه وستایه.
له آرشیف څخه: