اوکرايني چارواکي: د روسيې په یوه حمله کې ۹ کسان وژل شوي
۱۴۰۴ اردیبهشت ۲۷, شنبه
د اوکراینملي پولیسو د روسیې د دغې حملې په هکله پر تلیګرام ليکلي: «دا یوازې یوه بله حمله نه، بلکې یو بدبینانه جنګي جنایت دی.»
په سومي کې د اوکراین پوځي مشر ایهور تکاچینکو ويلي چې د نجات عملیات پېل شوي دي.
خو د روسيې خبري آژانس تاس بیا د روسیې د دفاع وزارت له قوله ويلي چې روسي ځواکونو په سومي سیمه کې د اوکراين د پوځي تجهیزاتو د ځای پر ځای کولو یوه ساحه وېشتلې ده.
نور ولولئ: پوتین له اوکراین سره د سولې په مذاکراتو کې ګډون نه کوي
دغه حمله په ترکیه کې د جمعې په ورځ (د ۲۰۲۵ کال د می ۱۶مه) د مسکو او کیف د استازو ترمنځ د سولې تر خبرو اترو څو ساعته وروسته شوې ده. روسي او اوکرايني چارواکي په دغه غونډه کې د یوه موقتي اوربند هوکړې ته په رسېدو کې پاتې راغلل.
دا د ۲۰۲۲م کال په فبرورۍ کې پر اوکراین د روسيې تر پوځي یرغل راوروسته د مسکو او کیف تر منځ لومړنۍ مخامخ مذاکرات دي.
نور ولولئ: زیلنسکي په استانبول کي له پوتین سره د لیدو په هکله تیاری وښود
رويټرز خبري آژانس چې دغه رپوټ ېې ورکړی وايي چې دغه آژانس د سومي حملې په تړاو د کیف او مسکو ادعاوې په خپلواکه توګه تائیدولی نشي.
اوکراين او روسيه پر ملکیانو بریدونه ردوي، خو د دوی ترمنځ جګړه کې په زرونو ملکیان وژل شوي چې اکثریت ېې اوکراينيان دي.
له آرشیف څخه: