چین له افغانستان او پاکستان څخه د امنيتي همکاريو غوښتنه کړې
۱۴۰۴ مرداد ۳۰, پنجشنبه
د چین د بهرنیو چارو وزیر د چهارشنبې په ورځ (د اګست ۲۰مه) په کابل کې له خپلو پاکستاني او افغان سیالانو سره په یوه درې اخیزه غونډه کې ټینګار وکړ چې درې واړه هېوادونه باید د خپلو مشترکو ستراتيژیکو منافعو او د امنيتي همکاريو د لا تقويه کولو هڅو ته ادامه ورکړي.
چین غواړي په خپله ستره پروژه «یوه لار یو کمربند» کې افغانستان دخيل کړي. رويترز د پنجشنبې ورځې معلوماتو پر اساس لیکي، د چین د بهرنیو چارو وزیر ويلي چې هېواد ېې چمتو دی د هر هېواد منافع درک او ورڅخه قوي ملاتړ وکړي. وانګ زیاته کړې چې چین په سیمه کې د هر خارجي دخالت او همدارنګه د هر سازمان یا فرد د هڅو پر وړاندې چې غواړي د هر هېواد منافعې تضعیفې کړي، په قاطعت سره مخالفت کوي.
نور ولولۍ:په افغانستان کې د طالبانو څلور کاله واکمني او د خلکو کړاو
وانګ وویل: «ضروري ده چې د امنيتي دیالوګ میکانیزم، د قانون پلې کولو تقویت، امنيتي همکاري، د تروریزم د ترانزیتي فعالیتونو پر ضد د مبارزې غښتلې کول او د تروریزم له ایجاده د سیمې پاکول بهتره شي.»
رويټرز اما لیکي چې د پنجشنبې ورځې په معلوماتو کې په مشخصه توګه د کومې تروریستي ډلې نوم نه دی ذکر شوی. خو د چین د دولتي خبري آژانس شینهوا په رپوټ کې ويل شوي چې وانګ په کابل کې د طالبانو له سرپرست خارجه وزیر اميرخان متقي سره په کتنه کې د شرقي ترکستان اسلامي غوځښت یادونه کړې ده.
د شينهوا په رپوټ کې ويل شوي چې وانګ يې وویل چې چين تمه لري افغانستان به د دا ډول تروریستي ځواکونو د مغلوبه کولو له پاره خپله مبارزه چټکه کړي. چین له افغانستان او پاکستان سره ۵۹۶ کیلومتر ګډه پوله لري چې په قراقرم غرونو کې تېره شوې ده.
د طالبانو د بهرنیو چارو وزارت ويلي چې د چین خارجه وزیر په کابل کې د دوی له د بهرنیو چارو له وزیر امیرخان متقي سره په کتنه کې د چین «د یوې لار یو کمربند» په پروژه کې د افغانستان د رسمي مشارکت غوښتونکی شوی.
نور ولولۍ: چين: د روسیې له لوري د طالبانو د په رسميت پيژندلو هرکلی کوو
دغه وزارت په یوه اعلامیه کې ویلي چې ښاغلي وانګ يي ويلي دي چې دواړه خواوې افغانستان ته د چین د صادراتو پر ډېرولو کار کوي.
د طالبانو د بهرنیو چارو وزارت په اعلامیه کې دغه راز راغلی چې وانګ ويلي دي چې هېواد ېې د کانونو د کشف او استخراج په برخو کې د افغانستان له ادارو سره لا ډېرې همکارۍ ته علاقمندي لري او چين غواړي سږکال په افغانستان کې د کانونو استخراج پيل کړي.