بریتانيا، فرانسه او اوکراین د اوربند پر پلان کار کولو سلاشوي

اروپايي رهبران په لندن کې د یکشنبې ورځې په غونډه کې پر دې بحث کوي چې څنګه په اوکراین کې د روسيې جګړې پای ته ورسيږي.

دوی په داسې حال کې راټول او په اوکراین کې د جګړې د ختمولو په موخه بحثونه کوي، چې د جمعې په ورځ په سپینه ماڼۍ کې د امریکا د ولسمشر دونالد ترمپ او د اوکراین له ولسمشر ولادیمیر زیلنسکي سره ناسته جنجالي شوه. زیلنسکي پرته له دې چې په نظر کې نيولي خبري کنفرانس کې ګډون وکړي غونډه ترک کړه.

خو سټارمر وویل چې هغه د سولې خبرو اترو پر احیا تمرکز کوي. هغه وویل چې له دغه فرصت څخه د فرانسې له ولسمشر امانویل ماکرون سره د ترمپ او زیلنسکي د بیا تعامل له پاره کار اخلي، پر ځای د دې چې «شدید الفاظو ته زور» ورکړل شي.

نور ولولئ: اروپا په لوړ غږ له اوکراین ملاتړ کوي، خو ترمپ ته په خاموشۍ ګوري

د اسوشتید پریس په حواله، د بریتانیا صدراعظم بي بي سي ته وویل: «موږ توافق کړی چې بریتانیا له فرانسې او ممکن له یو یا دوه نورو سره له اوکراین سره د جګړې د پای ته رسولو پر یو پلان کار وکړو او بیا به پر پلان له امریکا متحده ایالاتو سره خبرې وکړو.»

سټارمر او ماکرون د جمعې ورځې جنجالي ناستې راهیسې له ترمپ سره په تماس کې پاته شوي دي.

نور ولولئ: زیلنسکي سټارمر سره کتنه او د بریتانیا څه باندې ۲ ميلیارډي پور ګټور وباله

کیدای شي د لندن په غونډه کې اوکراین ته د اروپايي اتحاديې ځواکونو پر استولو هم بحث وشي تر څو په اوکراین کې د اوربند محافظت وکړي. سټارمر په دې هکله وویل چې دغه ځواکونو به «د علاقمندانو له یو ائتلاف څخه» متشکل وي.

د اوکراین ولسمشر ولادیمیر پوتین تر واشنګټن وروسته لندن ته راغی او ويلي ېې دي چې د بریتانیا له صدراعظم سره ېې ګټوره کتنه درولودلې. هغه په دې لړ کې له بریتانيا سره د ۲ اعشاریه ۲۶ میليارډ پونډو قرضې توافق د لاسلیکولو خبره هم کړې ده.