سياستترکیه
ترکیې په بشپړ ډول له اسرائیل سره تجارتي اړیکې پرې کړې
۱۴۰۴ شهریور ۸, شنبه
اعلان
د ترکیې د بهرنیو چارو وزیر هاکان فیدان په وینا د ترکیې هوایي حریم به په بشپړ ډول د اسرائیلي الوتکو پر مخ وتړل شي. همدرانګه هغه کښتۍ چې اسرائیل ته وسلې لیږدوي به نور د ترکیې په بندرونو کې د لنګر اچولو اجازه ونه لري.
د دې پریکړې له مخې د ترکیې کښتۍ به هم نور د اسرائیل بندرونو ته د تګ اجازه ونه لري. د ترکیې د بهرنیو چارو وزیر اشاره وکړه چې دغه اقدام د یوې جامع دیپلوماتیکې، اقتصادي او حقوقي بستې یوه برخه ده.
د ترکیې اواسرائیل ترمنځ اړیکې په غزې تړانګه کې د اسرائیل د پوځي عملیاتو له پيل راهیسې ډیرې خړې پړې شوې دي.
د ترکیې ولسمشر رجب طیب اردوغان اسرائیل په غزې تړانګه کې په «نسل وژنې» تورن کړی دی.