ایا دا د نړۍ تر ټولو بدشکله سپی دی؟

اکثره ویل کېږي چې سپي د خپلو خاوندانو په څېر کېږي. خو د دې سپي د مالک لپاره دا خبره دومره ښه ستاینه نه ده. د داسې موجود په اړه باید څه ووایې؟ «نه خو ډېر خوږ نه دی»؟ یا شاید: «د دې غوږونه څومره ښکلي دي»؟ په هر صورت، دا غوږونه هېڅ ډول له پامه نه شي وتلای.

یو بل سپی د خپل مالک له خوا په ویاړ پورته نیول شوی دی. هغې هم لویې د لمر عینکې اغوستي دي. داسې ښکاري لکه نه غواړي چې وپېژندل شي، یا د خپل عجیبه بڼې سپي سره تړاو ولري. که هدف دا و، نو ډېر بریالی تاکتیک نه و.

سلګونه خلک د ۲۰۲۵ کال د اګست په ۸مه سانتا روزا، کالیفورنیا ته راغلل ترڅو د نړۍ د تر ټولو بدشکله سپي د ټاکنې ننداره وکړي. د «د نړۍ د تر ټولو بدشکله سپي» سیالي له ۱۹۷۰مو کلونو راهیسې روانه ده، او تنظیموونکي ټینګار کوي چې موخه یې د سپو پر بدشکلۍ ملنډې وهل نه دي. هدف دا دی چې وښيي بدشکل سپي هم ښایسته او زړه راښکونکي اړخونه لري.

د سیالۍ ډېری برخه اخیستونکي ژغورل شوي سپي وي. د دې سیالۍ موخه دا ده چې د بې ‌سرپناه ژوو ستونزې عامه کړای سي او خلک وهڅوي چې هغوی ته نوی کور ورکړي. موږ نه پوهېږو چې دا ځانګړی سپی له پناه‌ ځای څخه راغلی که نه، خو اوسنی کور یې ښکاري چې رنګین به وي. وایي چې «کالي سړی جوړوي» او ښايي سپی هم.

... «پاپي» دی. دې اووه کلن د چیني نسل «کریسټډ» سپی د اګست د ۸مې په سیالۍ کې درېیم ځای وګاټه. دا عجیبه نه ده چې د هغه څښتنه، الیسن ګرین، خوشاله ښکاري. یا ښايي د جایزې د پیسو له کبله خوشاله وي: ۲۰۰۰ ډالر (شاوخوا ۱۷۰۰ یورو). ګټونکي د یوه هیئت له خوا ټاکل کېږي چې بڼه، شخصیت او د لیدونکو غبرګون په پام کې نیسي.

... «جني لو» دی. دا پنځه کلن «پګ» سپی مخکې د ۲۰۲۳ کال په سیالۍ کې برخه اخیستې وه، خو تش لاس وتلی و. ښايي په دې موده کې لا نور بدشکل شوی وي، ځکه دا ځل دومره بدشکل وګڼل شو چې دویم ځای یې واخیست. که څه چې د هغه د نیوونکي په څېر یې پرتله وکړې، جني لو ډېر ښایسته ښکاري. او هغه خپل مالک، میشل ګرېډي، ته ۳۰۰۰ ډالر ور وګټل.

... «پټونیا» نوميږي. دا نیم‌ بلډاګ مخلوط سپی د سږ کال د ارمان وړ لقب ګټونکی شو. دا دوه کلن سپی د لنډو پښو، ګونځې مخ او د وېښتو نشتوالي له امله ګټونکی سوی.

پټونیا د لومړۍ جایزې په ګټلو سره خپل څښتن، شين نايمن، چې له اوريګا ايالت څه دی، ۵۰۰۰ ډالر (شاوخوا ۴,۳۰۰ یورو) بډای کړ. لږ تر لږه له دوی څخه یو خو خوشاله ښکاري. پټونیا داسې نه ښکارېده چې د چک د ورکوونکي شخصیت څخه ډېر اغېزمن شوی وي. که دا د بدرنګه ماسک مخونو نړيواله سيالي وای، نو څښتن به يې حتماً پکښې نوم ليکنه کړې وای.