جرمونهافغانستان
طالبانو په غزني کې یوه ښځه او یو سړی په دُرو وهلي دي
۱۴۰۴ فروردین ۳, یکشنبه
اعلان
د طالبانو عالي محکمې د یکشنبې (د مارچ میاشتې ۲۳ نیټه) په ورځ د یوې اعلامیې په خپرولو سره ویلي دي چې د غزني د ده یک ولسوالۍ د ابتدایي محکمې د پریکړې په اساس، د خلکو په عام محضر کې پر یوې ښځې او یوه سړي تعزیري جزایي حکم تطبیق شوی دی.
د دغې محکمې په اعلامیه کې راغلي دي چې دغه دوه کسان [چې یوه ښځه او یو سړی دی] د «اخلاقي فساد» په تور هر یو په پنځه کاله تنفیذي بند او ۳۹ دُرو وهل کیدومحکوم شوي دي.
د طالبانو عالي محکمې زیاته کړې ده چې دغه احکام د عالي محکمې له تاییدۍ وروسته د طالبانو د سیمه ایزو چارواکو او خلکو په موجودیت کې په غزني ولایت کې عملي شوي دي.
طالبان په افغانستان کې یو وار بیا واک ته له رسیدو وروسته راهیسي د ملګرو ملتونو او بشري حقونو د نړیوالو سازمانونو د نیوکو سربیره، بدني مجازات په پرله پسې ډول د خلکو په عام محضر کې تطبیقوي.