بغلان: د ډبرو سکرو کان د نړېدو پېښه کې شپږ کسان مړه شوي
۱۴۰۴ مرداد ۱, چهارشنبه
پېښه په بغلان ولایت کې چې د سکرو څو کانونه پکې دي د سه شنبې په ورځ رامنځ ته شوې ده. ځینو رسنیو ويلي چې دغه پېښه د بغلان د کرکر د ډبرو سکرو په کان رامنځ ته شوې ده.
ځايي چارواکي څه وايي؟
په بغلان ولایت د طالبانو د اطلاعاتو او کلتور رئیس سید مصطفی هاشمي ویلي دي چې د سکرو کان «ناڅاپي نړیدلی» چې په پایله کې یې «شپږ کسان مړه شوي دي.»
د هاشمي په خبره په دغه پيښه کې ۱۸ کسان ټپیان شوي هم دي چې په روغتون کې تر درملنې لاندې دي، خو د هغوی د روغتيايي وضعیت په هکله یې جزئیات نه دي ورکړي. په ۲۰۲۲م کال کې هم په بغلان کې د سکرو د يو کان د نړېدو په پېښه کې لږ تر لږه ۱۰ کان کېندونکي مړه شوي ول.
په افغانستان کې د کانونو د نړېدو دلایل
په افغانستان کې کان کېندنې تر ډېره په غیرمسلکي توګه ترسره کيږي چې وخت ناوخت پکې وژونکې پېښې رامنځ کيږي. کان کېندونکي تر ډېره د کافي تجهیزاتو او خوندیتوب د وسایلو پرته کار کوي. تېرکال د بغلان په ګاونډي ولایت سمنګان کې ۲۲ کان کېندونکي د کان تر نړېدو وروسته بند پاتې شوي ول چې د څو ساعتونو هڅو وروسته وژغورل شول.
له آرشیف څخه (08.02.2024):