د کښتۍ ډوبیدو په پيښه کې ۲۰ کسان مړه او ډیر لادرکه دي
۱۴۰۱ تیر ۲۸, سهشنبه
اعلان
دوی د واده په مراسمو کې د ګډون کولو له پاره له سیند څخه اوښتل چې کښتۍ یې ډوبه شوه. د چارواکو په وینا له سیند څخه تیریدونکو دوو کښتیو کې چې یوه ترې چپه او ډوبه شوه، پکې ۱۵۰ کسان سپاره ول.
د چارواکو په وینا په ډوبې شوې کښتۍ کې تر ګنجایش زیات یعنې ۹۵ تنه سپاره ول. سیمه ایزو چارواکو ویلي دي چې په دویمه کښتۍ سپرو کسانو د ډوبې شوې کښتۍ نږدې ۳۰ کسان ژغورلي دي. تر پيښې وروسته ژغورونکي پرسونل له سیند څخه ۲۰ مړي را ایستلي دي چې ۱۹ پکې ښځې دي. د پاتې کسانو پسې لټون دوام لري.