شخړيروسیه
روسیه: د اوکرایني ډرنونو په بریدونو کې ۶ تنه ټپیان شوي
۱۴۰۴ فروردین ۲, شنبه
اعلان
مسکو د اوکراین له خوا د روسیې په مختلفو برخو کې د ډرون یا بې پيلوټه الوتکو د بریدونو خبر ورکړی دی. د روسیې دفاع وزارت د شنبې (د مارچ ماشتې ۲۲ نیټه) په ورځ ویلي دي چې تیره شپه د وورونیش، بلګورود، روستوف، وولګوګراد او استراخن سیمو په فضا کې ۴۷ ډرونونه خنثی کړای شوي دي.
د دفاع وزارت په حواله په روستوف کې ډیر شمیر کورونو ته زیان اوښتی دی. د سیمه ایزو چارواکو په حواله د اوکراین په ختیځ دونتسک کې چې یوه برخه یې د روسیې له خوا اشغال شوې ده، د ګورلوفکا په سیمه کې د اطفایې یا اور وژنې یو موټر په نښه شوی دی.
د اوکراین په شخړه کې چې له درو کلونو د ډیرې مودې راهیسې دوام لري، د امریکا متحده ایالاتوله خوا د اوربندله پاره د وړاندیز شوو مذاکراتو سربیره، دواړو هیوادونو یو د بل پر وړاندې خپلو هوایي بریدونو ته شدت ورکړی دی.