باجوړ: د سړک د غاړې ماین چاودنې پنځه افسران وژلي

د پاکستان پولیس وايي، چاودنه د چهارشنبې په ورځ د خیبر پښتونخوا ایالت په باجوړ ولسوالۍ کې شوې. د دغې ولسوالۍ د پولیسو مشر وقاص رفیق وویل چې د وژل شوو کسانو په ډله کې مرستیال کمشنر فیصل سلطان هم شامل دی. 
رفیق زیاته کړه چې په چاودنه کې ټپي شوي کسان روغتون ته رسول شوي چې هلته ېې د اکثرو روغتیايي وضعیت نازک ښودل شوی دی.
په سملاسي توګه د دغې بمي حملې مسئولیت چا نه دی منلی، خو رفیق وویل په احتمال سره به دا د پاکستاني طالبانو کار وي. 
تحریک طالبان پاکستان یا ټي ټي پي چې په پاکستاني طالبانو هم یاديږي په خپلو حملو کې تر ډېره د پاکستان امنیتي ځواکونه او ملکیان په نخښه کړي دي.