پر امنیتي خطرونو سربیره په غزې کې د حماس ضد مظاهرو دوام
۱۴۰۴ فروردین ۱۸, دوشنبه
د جدي خطرونو اوپه غزې تړانګه کې د سرکوبه کوونکي وضعیت سربیره، د پام وړ شمیر کې فلسطنیانو د حماس ترهګرې ډلې پر ضد مظاهرې وکړې.
دغه مظاهرې چې «غواړو بې له تاسې ژوند وکړو» تر عنوان لاندې کمپاین له خوا په لاره اچول شوي په ښکاره ډول د حماس پر خراب مدیریت، اقتصادي کړکیچ، پراخ فساد او د فردي او مدني آزادیو پر سرکوبه کولو انتقاد کوي.
د رپوټونو په حواله د حماس امنیتي ځواکونه د اعتراض کوونکو په نیولو او پر وړاندې یې د تاوتریخوالي له چلند څخه په کار اخیستنې سره هڅه کوي دغه اعتراضونه وځپي.
خو پر دې سربیره، په یو شمیر سیمو کې اعتراض کوونکو د حماس ترهګرې ډلې د مشرانو او خراب اقتصادي وضعیت پر وړاندې د شعارونو په ورکولو سره د بدلون غوښتنه کوله.
د کمپاین په لاره اچووونکو اعلان کړی دی چې موخه یې د «حماس د دیکتاتورۍ» پای ته رسول او د غزې خلکو له پاره د پرانیستې سیاسي فضا رامنځته کول دي.