آلمان کې موندل شوې د وګړو د پښو د پل نښې ۳۰۰ زره کلنې وختلې
۱۴۰۲ اردیبهشت ۲۳, شنبه
د آلمان د نيدرزاکسن آيالت د علمي چارو وزارت د جمعې په ورځ ويلي چې د پښو دغه نښې د هومو هايدلبرګنزيس انسانانو نړۍ ته يوه »حيرانونکې کتنه« ده چې د نياندرتال انسانانو څخه مخکې موجود ول. د نيدرزاکسن د علومو وزير فالکو مورس د شونينګن د سکرو کان په غاړه کې پروت د موندنې ځای »د علم يوه خزانه« بللې ده.د غزني ولایت تاریخي سېمې د نړېدو له ګواښ سره مخ دي
دا ځکه چې هغه د خپل ځانګړي جيولوجيکي موقعيت له کبله د انسانانو د لرغوني ژوند يوه کړکۍ ګڼل کيږي چې ۳۰۰ زره کاله پخوا د ورځني ژوند ځينې نښې رانغاړي.په افغانستان کې د ناقانونه کیندنو او لرغونو آثارو د قاچاق زیاتوالی
په شونينګن کې څېړونکي وار په وار حيرانونکې موندنې لري. تر ټولو مهمه موندنه د ۱۹۹۴ او ۱۹۹۸م کلونو ترمنځ د داسې نيزو موندنه ده چې د انسانانو د تاريخ تر ټولو لرغوني لرګينې وسلې بلل کيږي. دغه ډول لرغوني څيزونه د شونينګن په څېړنيز موزيم کې نندارې ته ايښودل شوي دي.
اي پي دي/ن.ص./ش.ن.