شخړيد فلسطین سیمه
تر نیم میلیون ډیر بې ځایه شوي غزې تړانګې ته ستانه شوي دي
۱۴۰۳ بهمن ۱۶, سهشنبه
اعلان
د ملګرو ملتونو سازمان د اتکلونو له مخې د اسرائیل او حماس ترهګرې ډلې تر منځ د اوربند له نافذیدو راهیسې تر ۵۴۵ زرو ډیر فلسطینیان له سویلي برخې څخه د غزې تړانګې شمال ته بیرته ستانه شوي دي.
د ملګرو ملتونو سازمان ویاند سټیفن دوجاریک د دوشنبې (د فیبرورۍ میاشتې ۳ نیټه) په ورځ وویل چې په ورته وخت کې تر ۳۶ زرو ډیر نور کسان د دې سیمې سویل ته ستانه شوي دي.
د دوجاریک په حواله همدارنګه غزې تړانګې ته په پرله پسې ډول د بشري مرستو رسولو لړۍ دوام لري. د ملګرو ملتونو سازمان ویاند زیاته کړه: «د رپوټونو په حواله یو پر دریمه برخه کورنۍ خوراکي توکو ته بهتره لاس رسی لري. خو مصارف په څرګند ډول د تشنج له پیلیدو مخکې وخت په پرتله په ټیټه کچه کې دي».
دوجاریک زیاته کړه: «د اکثرو کورنیو له پاره تر ټولو لوی خنډ د نقدو پيسو نشتوالی دی.»