هند: مون سون بارانونه د سېلاب او په ممبۍ کې د ګډوډۍ باعث شوي
۱۴۰۴ خرداد ۵, دوشنبه
د دوشنبې په ورځ د هند ساحلي مهاراشتر ايالت د شديدو «مون سون» اورښتونه شاهد وو چې له کبله یې ترافيک د ګډوډۍ ښکار شو او چارواکو د خبرداريو کچه لا پسې لوړ کړه.
د ممبي ښار ځينو برخو کې چې د هند سوداکریز مرکز بلل کیږي، سړکونه اوبو لاندې کړل او د اورښتونو له کبله په اورګاډو کي هم ځنډ راغلی.
اړونده موضوع: په هند کې موسمي بارانونو او سیلابونو سخت زیانونه اړولي
د هند د هوا پيژندنې ادارې (IMD) د دوشنبې په ورځ د ممبي او شا او خوا سيمو له پاره د هوا د خبرداري کچه له «نارنجي» څخه «سور» ته لوړ کړه.
د مهاراشتر مرستیال لومړي وزير اکنات شیندې، چارواکو ته د تيارسۍ لارښوونه کړې څو د ژرغورنې عمليات او مرسته ژر ورسيږي.
شېندې، همدا راز له خلکو هم غوښتي چې د چارواکو له لوري جاري شوې لارښوونې مراعت کړي او د کورونو له وتلو ډډه وکړي.
مون سون د وخته مخکې رسېدلی
دا درانه اورښتونه په داسې حال کې وشول چې د هند د هوا پيژندنې ادارې اعلان وکړ چې په مهاراشتر کې د «مون سون» موسم د خپل اصلي وخت څخه چې د جون پنځمه نیټه ده، تر مخه پېل شوی دی.
د «اندين ايکسپريس» ورځپاڼې په حواله دا له ۱۹۹۰م کال راهېسې لومړی ځل دی چې مون سون بارانونه دومره وختي پېل شوي وي.
اړونده موضوع: په هند او پاکستان کې د توپان ګواښ: سل زره انسانان تخليه شوي
په کیرالا کې چې د هند يو جنوبي ایالت دی، دغه موسمي بارانونه د يکشنې په ورځ او په دې توګه له معمول څخه ۸ ورځې د مخه پېل شول چې دا په تېرو ۱۶ کلونو لومړی ځل دی.
دا موسمي بارانونه هغه کابو ۷۰ سلنه اوبه له ځانه سره راوړي چې هند ورته تر ځمکې لاندې زيرمو او ذخيرو د ډکولو له پاره اړتيا لري.
د دغه هېواد بزګران د بېلا بېلو فصلونو د کرلو له پاره له جون تر سپتمبر میاشتې دغو کلنيو بارانونه باندې متکي دي.