اسرائیل د اوربند د مذاکراتو له پاره قطر ته پلاوی استوي
۱۴۰۴ تیر ۱۵, یکشنبه
مخکې تر دې رسنیو په دغو خبرو اترو کې د اسرائیل د ګډون کولو د تصمیم په هکله خبر ورکړی و.
په ورته وخت کې د اسرائیل د لومړي وزیر بنیامین تنانیاهو دفتر اعلان کړی دی چې په غزه کې د اوربند د موافقې په مسوده کې د هغو تغیراتو راوستل چې د حماس ډلې یې غوښتنه کړې ده «د منلو وړ نه دي».
په داسې حال کې چې اسرائیل په مذاکراتو کې له ګډون کولو سره موافقه کړې ده، د دواړو خواو ترمنځ په محتوا کې اختلافات په خپل حال باقي پاتې دي.
مخکې تر دې حماس اعلان کړی و چې په ټوله کې د امریکا متحده ایالاتو له وروستي وړاندیز سره یې موافقه کړې ده، خو د یو شمیر مسائلو په اړه یې انديښنه ښودلې ده؛ له دې ډلې بشردوستانه مرستې، د رفح له بندر څخه د استفادې ډول او له غزې تړانګې څخه د اسرائیلي ځواکونو د پر شا تګ مهال ویش.
ټاکل شوې ده چې د اسرائیل لومړی وزیر بنیامنین نتانیاهو به د دوشنبې (د جولای میاشتې ۷ نیټه) په ورځ د امریکا له ولسمشر ډونالډ ټرمپ سره د لیدنې په موخه واشنګټن ته سفر وکړي. شنونکي وړاندوینه کوي چې په دې لیدنه کتنه کې به د اوربند د مذاکراتو پر بهیر هم خبرې وشي.