هندوستان وايي د پاکستاني مالونو پر وارداتو ېې بندیز لګولی
۱۴۰۴ اردیبهشت ۱۳, شنبه
د هندوستان تر کنټرول لاندې کشمیر کې پر سيلانیانو د یوې خونړۍ حملې وروسته د هند او پاکستان تر منځ د ديپلوماتیکو اړیکو د لاخرابېدو په جریان کې اوس هندوستان ويلي چې له پاکستان څخه سرچينه اخیستونکو مالونو پر وارداتو او یا د دغه هېواد له لارې ترانزیت باندې ېې بندیز لګولی دی.
د هندوستان د بهرني تجارت عمومي ادارې ويلي چې دغه بندیز به فوري تاثیرات ولري. دغې ادارې ويلي: «دغه بندیز د هېواد د ملي امنیت او عامه پالیسۍ د منافعو پر اساس لګول شوي دي.»
نور ولولئ: وینس: پاکستان دې د کشمیر حملې په تړاو له هند سره همکاري وکړي
مشکوکو وسله والو د هندي کشمیر په غرنۍ سیاحتي علاقه پهلګام کې تېره اوونۍ پر سیلانیانو حمله وکړه، ۲۶ کسان ېې ووژل.
هندوستان پر پاکستان تور لګوي چې د دغې حملې تر شا ېې لاس دی، خو پاکستان یې ادعاوې ردوي. پاکستان ويلي «معتبر استخباراتي» معلومات لري چې ښيي هندوستان د پوځي اقدام اراده لري.
نور ولولئ: هند د پاکستان د الوتکو پرمخ خپل هوايي قلمرو تړلی دی
پاکستان هم پر باالمثله اقداماتو لاس پورې کړی، چې په هغو کې د هندوستان پر ټولو سرحدونو د سوداګرۍ درول، د هندوستان پر مخ د خپل هوايي حریم بندول او د هندي ديپلوماتانو وښکل شامل دی.
پاکستان او هندوستان د جنوبي اسیا دوه سیال او د اټومي ځواک لرونکي ګاونډي هېوادونه دي. په وروستیو کلونو کې د دواړو هېوادونو ترمنځ تجارت کم شو و.